Registration for 8th edition of Pariksha Pe Charcha: پریکشا پہ چرچا کے 8ویں ایڈیشن کے لیے ریکارڈ توڑ تعداد میں رجسٹریشن،3.5 کروڑ سے زیادہ درخواست موصول

وزیر اعظم نریندر مودی کی اہم پہل پریکشا پہ چرچا (پی پی سی)کے لیے رجسٹریشن طلباء، اساتذہ اور والدین کی ریکارڈ توڑ  3.5 کروڑ سے زیادہ کی شرکت کے ساتھ اختتام پذیر ہوئی۔ یہ امتحان سے متعلق تناؤ کو سیکھنے اور جشن کے تہوار میں تبدیل کرنے کی ملک گیر تحریک ہے۔ پی پی سی 2025 کے 8ویں ایڈیشن نے ہندوستان اور بیرون ملک طلباء، اساتذہ اور والدین کی رجسٹریشن کے لحاظ سے ایک بے مثال سنگ میل طے کیا ہے۔ یہ قابل ذکر ردعمل ایک حقیقی جن آندولن کے طور پر پروگرام کی بڑھتی ہوئی مقبولیت کو واضح کرتا ہے۔

پی پی سی 2025 کے لیے آن لائن رجسٹریشن کی میزبانی MyGov.in پورٹل پر 14 دسمبر 2024 سے 14 جنوری 2025 تک کی گئی تھی۔ پروگرام کی بے پناہ مقبولیت طلبہ کی ذہنی تندرستی  کے مسائل سے  نمٹنے اور امتحانات کے لیے مثبت نقطہ نظر کو فروغ دینے میں اس کی کامیابی کو نمایاں کرتی ہے۔وزارت تعلیم کے تحت محکمہ ا سکولی تعلیم اور خواندگی کی طرف سے ہر سال منعقد ہونے والا انٹرایکٹو ایونٹ تعلیم کا ایک بہت زیادہ متوقع جشن بن گیا ہے۔ 2024 میں پی پی سی کا 7 واں ایڈیشن بھارت منڈپم، پرگتی میدان، نئی دہلی میں ٹاؤن ہال کی شکل میں منعقد ہوا اور اسے بڑے پیمانے پر پذیرائی ملی۔

پی پی سی کے جذبے سے ہم آہنگ ، اسکول کی سطح پر مصروف سرگرمیوں کا ایک سلسلہ 12 جنوری 2025 (قومی یوتھ ڈے) سے شروع ہوا اور 23 جنوری 2025 (نیتا جی سبھاش چندر بوس جینتی) تک جاری رہے گا۔ ان سرگرمیوں کا مقصد جامع ترقی کو فروغ دینا اور طلباء کو امتحانات کو ایک اتسو کے طور پر منانے کی ترغیب دینا ہے۔ ان سرگرمیوں میں دیسی کھیلوں کے سیشن،میراتھن دوڑ،میم مقابلے،نکڑ ناٹک،یوگا اور مراقبہ کے سیشن،پوسٹر بنانے کے مقابلے،متاثر کن فلم کی نمائش،دماغی صحت کی ورکشاپس اور مشاورتی سیشن،سی بی ایس ای ، کے وی ایس اور این وی ایس طلباء کی کارکردگی وغیرہ شامل ہیں۔ان سرگرمیوں کے ذریعے، پی پی سی 2025 سیکھنے میں لچک، مثبتیت اورلطف اندوزی کے اپنے پیغام کو تقویت دیتا ہے، اس بات کو یقینی بناتا ہے کہ تعلیم کو دباؤ پر مبنی  کام کے بجائے ایک سفر کے طور پر منایا جائے۔

بھارت ایکسپریس۔