Ram Mandir Donation Controversy:  چمپت رائے، انل مشرا اورگوپال رائے کو 3 دنوں میں ایودھیا چھوڑنےکا الٹی میٹم، فیض آباد بارایسوسی ایشن نے کیس لڑنے والے وکلا سے متعلق کردیا یہ بڑا اعلان

ایودھیا رام مندرچڑھاوا چوری کے معاملے میں اب ایودھیا بارایسوسی ایشن کی انٹری ہوگئی ہے۔ فیض آباد (ایودھیا) بارایسوسی ایشن نے رام مندرٹرسٹ سے متعلق چمپت رائے، انل مشرا اورگوپال رائے کوتین دنوں کے اندرایودھیا چھوڑنے کا الٹی میٹم دے دیا ہے۔ ساتھ ہی فیض آباد (ایودھیا) بارایسوسی ایشن کے اراکین نے کہا ہے کہ اگرایسا نہیں ہوتا ہے توپورے ایودھیا کوجام کردیا جائے گا اورکسی کواندرنہیں آنے دیا جائے گا۔

دراصل، ایودھیا بارایسوسی ایشن نے وکلا کی میٹنگ میں ایک بڑا اعلان کیا ہے۔ بارایسوسی ایشن کے اراکین نے کہا ہے کہ چمپت رائے-انل مشرا اورگوپال رائے کورام نگری چھوڑنی ہوگی۔ ایودھیا بارایسوسی ایشن کی میٹنگ میں وکلا نے کہا کہ چمپت رائے، انل مشرا اورگوپال راوکوایودھیا چھوڑنا ہوگا۔ وکلا نے کہا کہ اگرتین دنوں کے اندروہ رام نگری نہیں چھوڑتے ہیں توپھرپورے ایودھیا کوجام کردیا جائے گا، کسی کو ایودھیا آنے نہیں دیا جائے گا۔

ملزمین کا موقف رکھنے والے وکیل کو بھرنا ہوگا جرمانہ

فیض آباد (ایودھیا) بارایسوسی ایشن کے چیئرمین کالیکا پرساد مشرا نے کہا ہے کہ “کوئی بھی وکیل ملزمین کا موقف نہیں رکھے گا۔ اگرکوئی وکیل ان کا موقف رکھتا ہے، تو اسے ایسوسی ایشن کے کنٹری بیوشن فنڈ میں فی نام 5 لاکھ روپئے جمع کرنے ہوں گے۔ چمپت رائے، گوپال رائے اورانل مشرا کے خلاف معاملہ درج کرنے کے لئے سی آرپی سی کی دفعہ 173 کے تحت کارروائی شروع کی جائے گی۔

 

HUGE 🚨 Ayodhya Bar Association announces –

“No lawyer will represent the accused in Ram Temple donation case and if anyone does, a fine of Rs 5 lakh will be imposed on them”#RamMandir #Ayodhya #ChandaChor #JusticeForRamMandir pic.twitter.com/2ObH6rSyx4

— JIGNESH܁ᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠ (@jignesh03011976) June 29, 2026

بارایسوسی ایشن کے چیئرمین نے کیا سی بی آئی جانچ کا مطالبہ

فیض آباد (ایودھیا) بارایسوسی ایشن کے چیئرمین کالیکا پرساد مشرا نے مزید کہا کہ “اس معاملے کی سی بی آئی جانچ کا مطالبہ کیا جائے گا… ضرورت پڑنے پرایودھیا ایڈوکیٹس ایسوسی ایشن (بارایسوسی ایشن) اپنے خرچ پرسپریم کورٹ اور ہائی کورٹ کا دروازہ کھٹکھٹائے گی…” رام مندرچڑھاوا چوری معاملہ مسلسل سرخیوں میں بنا ہوا ہے، اب وکلا کی انٹری نے معاملے کواوربھی دلچسپ بنا دیا ہے۔

گوپال رائے کی تصویروائرل

ایس آئی ٹی جانچ میں ٹرسٹ کے اراکین اورعہدیداران کا رول مشتبہ پایا گیا تھا، اس کے باوجود آج ایک تصویروائرل ہو رہی ہے، جس میں گوپال رائے آرتی کرواتے ہوئے دیکھے جاسکتے ہیں۔ جبکہ دعویٰ کیا جا رہا تھا کہ انہیں ہٹا دیا گیا ہے۔ اس معاملے میں چمپت رائے اورانل مشرا استعفیٰ دے چکے ہیں۔ اپوزیشن مسلسل اس معاملے میں بی جے پی حکومت اور مندرانتظامیہ کو گھیرے ہوئے ہے۔ الزام لگایا جا رہا ہے کہ ٹرسٹ کے عہدیداران کو حکومت جان بوجھ کربچا رہی ہے۔ جبکہ ان کی نگرانی میں ہی مندرسے چڑھاوا چوری ہوتا رہا ہے۔

بھارت ایکسپریس اردو-