مسابقتی امتحانات میں مبینہ بے ضابطگیوں کے خلاف دہلی کے جنتر منتر پر بھوک ہڑتال کرنے والے سماجی کارکن سونم وانگچک کی بگڑتی ہوئی صحت نے تشویش بڑھا دی ہے۔ ایک طرف اس معاملے پر عدالت سے مداخلت کی درخواست کی جا رہی ہے، تو دوسری جانب اداکارہ راکھی ساونت کے بیان نے بھی اس معاملے کو نئی بحث میں لا کھڑا کیا ہے۔ نیٹ (NEET) امتحان تنازع کے خلاف 28 جون سے بھوک ہڑتال پر بیٹھے سونم وانگچک کی حالت تشویشناک بتائی جا رہی ہے۔ اسی دوران راکھی ساونت نے ایک ویڈیو جاری کرتے ہوئے ان سے جذباتی انداز میں اپیل کی کہ وہ اپنی بھوک ہڑتال ختم کر دیں۔ انہوں نے کہا کہ وہ خود دہلی جا کر اپنے ہاتھوں سے انہیں آم کا رس یا لیموں پانی پلا کر ان کا انشن ختم کرائیں گی۔
راکھی ساونت کی ویڈیو وائرل
سوشل میڈیا پر وائرل ہونے والی ویڈیو میں راکھی ساونت نے سونم وانگچک کی صحت پر گہری تشویش ظاہر کرتے ہوئے کہا کہ انہیں دوسروں کے لیے اپنی جان خطرے میں نہیں ڈالنی چاہیے کیونکہ ان کی زندگی بے حد قیمتی ہے۔ انہوں نے اعلان کیا کہ وہ جنتر منتر پہنچ کر ذاتی طور پر ان سے بھوک ہڑتال ختم کرنے کی درخواست کریں گی۔
عدالت میں بھی مداخلت کی درخواست
دوسری جانب سونم وانگچک کی بھوک ہڑتال کا آج 18واں دن ہے اور میڈیا رپورٹس کے مطابق ان کا وزن تقریباً 8.5 کلوگرام کم ہو چکا ہے۔ ان کی بگڑتی ہوئی صحت کے پیش نظر دہلی ہائی کورٹ میں ایک عرضی دائر کی گئی ہے، جس میں مطالبہ کیا گیا ہے کہ انہیں فوری طور پر سرکاری اسپتال منتقل کیا جائے اور ضرورت پڑنے پر طبی نگرانی میں خوراک دی جائے۔ درخواست گزار نے خدشہ ظاہر کیا ہے کہ بروقت مداخلت نہ ہونے کی صورت میں ان کی جان کو خطرہ لاحق ہو سکتا ہے۔
مطالبات پر قائم ہیں وانگچک
سونم وانگچک مبینہ امتحانی بے ضابطگیوں کے معاملے میں مرکزی وزیرِ تعلیم کے استعفے کا مطالبہ کر رہے ہیں اور اسی مطالبے کے حق میں بھوک ہڑتال جاری رکھے ہوئے ہیں۔ راکھی ساونت سے قبل اداکار نصیرالدین شاہ اور مصنفہ اروندھتی رائے بھی وانگچک سے صحت کے پیش نظر اپنا انشن ختم کرنے کی اپیل کر چکے ہیں۔
بھارت ایکسپریس اردو۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…