Rajiv Bindal Welcomes Supreme Court Verdict: وزیر اعظم مودی کی کوششوں سے دہائیوں پرانا تنازع حل، بی بی ایم بی معاملے پر ہماچل بی جے پی صدر راجیو بندل کا بیان

ریاست میں بی بی ایم بی کے زیر التوا بجلی بقایاجات کے معاملے پر سپریم کورٹ کے فیصلے کے بعد سیاسی ردعمل سامنے آنے لگے ہیں۔ راجیو بندل نے کہا کہ یہ فیصلہ ہماچل پردیش کے عوام اور ان کے حقوق کی بڑی کامیابی ہے۔

مرکزی حکومت اور بی جے پی حکومتوں کی کوششوں کو سراہا

راجیو بندل نے وزیر اعظم نریندر مودی، مرکزی وزیر توانائی منوہر لال کھٹر اور مرکزی حکومت کا شکریہ ادا کرتے ہوئے کہا کہ دہائیوں پرانے اس تنازع کو حل کرنے میں مرکز کا تعاون اہم رہا ہے۔ انہوں نے اسے کئی دہائیوں کی طویل قانونی جدوجہد کا نتیجہ قرار دیا۔ ان کے مطابق اس جدوجہد کی مضبوط بنیاد سابق وزیر اعلیٰ پریم کمار دھومل کی قیادت والی بی جے پی حکومت کے دور میں 27 ستمبر 2011 کو سپریم کورٹ کے دیے گئے فیصلے سے پڑی تھی۔ اس فیصلے میں ہماچل پردیش کے 7.19 فیصد حصے کو قانونی منظوری دی گئی تھی۔

کانگریس حکومت پر اٹھائے سوال

راجیو بندل نے کانگریس حکومت کو نشانہ بناتے ہوئے سوال کیا کہ 2011 میں سپریم کورٹ کی جانب سے ریاست کے حقوق طے کیے جانے کے باوجود 2012 میں اقتدار میں واپسی کے بعد کانگریس حکومت زیر التوا بقایاجات حاصل کیوں نہیں کرسکی؟ انہوں نے واضح کیا کہ اس قانونی اور انتظامی جدوجہد میں 1966 میں پنجاب کی تنظیم نو سے لے کر مختلف مراحل تک بی جے پی حکومتوں کا اہم کردار رہا ہے۔ چاہے وہ پریم کمار دھومل کی حکومت ہو یا 2017 سے 2022 کے درمیان جے رام ٹھاکر کی حکومت، سبھی نے اس معاملے میں اپنا تعاون دیا۔

وزیر اعلیٰ سکھو کو دی مشورہ

وزیر اعلیٰ سکھوندر سنگھ سکھو کو نشانہ بناتے ہوئے بی جے پی صدر نے مشورہ دیا کہ وہ اس معاملے میں صرف سیاسی کریڈٹ لینے کی کوشش نہ کریں بلکہ ریاست کے عوام کے سامنے پورے تنازع کی مستند تاریخ بھی رکھیں۔انہوں نے کہا کہ بقایاجات کے حساب، ٹیرف اور سرمایہ جاتی لاگت جیسے پیچیدہ معاملات کو حل کرنے میں وقت لگا، لیکن بالآخر مرکز اور ریاست کی مشترکہ کوششوں سے یہ تاریخی کامیابی حاصل ہوئی ہے۔

بھارت ایکسپریس اردو۔