بھارت ایکسپریس۔
ای ڈی چیف سنجے کمار مشرا کی میعاد آج یعنی 15 ستمبر کو ختم ہو رہی ہے۔ ذرائع کے مطابق اب ای ڈی کے اسپیشل ڈائرکٹر راہل نوین کو ای ڈی کا کارگزار ڈائریکٹر مقرر کیاگیا ہے۔ سنجے کمار مشرا نے تقریباً 4 سال 10 ماہ تک ای ڈی ڈائریکٹر کے طور پر خدمات انجام دیں۔
راہل نوین کون ہیں ؟
راہل نوین 1993 بیچ کے آئی آر ایس افسر ہیں۔ اسپیشل ڈائریکٹر ہونے کے علاوہ راہل نوین، جو بہار سے تعلق رکھتے ہیں، ای ڈی ہیڈکوارٹر کے چیف ویجیلنس آفیسر کے طور پر بھی کام کر رہے ہیں۔ ذرائع کے مطابق وہ نئے ڈائریکٹر کی باقاعدہ تقرری تک قائم مقام ڈائریکٹر کی ذمہ داریاں نبھائیں گے۔
ایس کے مشرا کو تین بار سروس میں توسیع دی گئی
سنجے کمار مشرا کو 2018 میں ای ڈی کا ڈائریکٹر مقرر کیا گیا تھا۔ ان کا دور نومبر 2020 میں ختم ہونا تھا۔ مرکز کی طرف سے انہیں تین بار سروس میں توسیع دی گئی۔ اس اقدام کو اپوزیشن کی جانب سے تنقید کا نشانہ بنایا گیا اور اس فیصلے کو سپریم کورٹ میں چیلنج کیا گیا۔
عدالت نے توسیع کو غیر قانونی قرار دیا تھا
سنجے کمار مشرا کی میعاد کو بڑھانے کے لیے سی وی سی ایکٹ میں بھی ترمیم کی گئی۔ گزشتہ سال جولائی کے مہینے میں سپریم کورٹ نے سنجے کمار مشرا کی تیسری توسیع کو غیر قانونی قرار دیا تھا۔ جس کا شیڈول 18 نومبر 2023 تک تھا۔
15 ستمبر تک عہدے پر رہنے کی اجازت دی گئی۔
عدالت نے یہ بھی کہا تھا کہ انہیں 31 جولائی تک اپنا عہدہ چھوڑنا ہوگا۔ تاہم، مرکزی حکومت نے تب سپریم کورٹ سے درخواست کی تھی کہ انہیں 15 اکتوبر تک اس عہدے پر برقرار رہنے کی اجازت دی جائے۔ جس پر عدالت نے انہیں 15 ستمبر تک عہدے پر رہنے کی اجازت دے دی۔
بھارت ایکسپریس۔
دہلی پولیس اسپیشل سیل اور ہریانہ پولیس نے مشترکہ کارروائی میں بین الاقوامی گینگسٹر جوگندر…
فائنل میچ میں جنوبی افریقہ نے ٹاس جیت کر پہلے بیٹنگ کا فیصلہ کیا۔ یہ…
پی ایم مودی نے کہا، "کل جب سے بجٹ پیش کیا گیا ہے، پورا متوسط…
میلے کے دوسرے دن، بھارت ایکسپریس کے چیئرمین، سی ایم ڈی اور ایڈیٹر ان چیف…
آپ کو بتادیں کہ یوگا گرو بابا رام دیو اور پتنجلی آیوروید لمیٹڈ کے خلاف…
تب بھی ہاتھ دھونا درست ہے۔ آپ سارا دن باہر رہنے کے بعد گھر واپس…