Rahul Gandhi In Bihar: پانچ جولائی کو آپ کے اکاؤنٹ میں 8500 روپے آئیں گے،راہل گاندھی نے پہلی قسط سے متعلق بتائی تاریخ

کانگریس کے سابق صدر راہل گاندھی، جو لوک سبھا انتخابات 2024 کے ساتویں اور آخری مرحلے کی مہم چلا رہے ہیں، نے بہار کے ارا میں ایک ریلی سے خطاب کیا۔ اس دوران انہوں نے کہا کہ ملک کے غریبوں کی فہرست تیار کی جائے گی۔ ہر غریب خاندان میں سے ایک خاتون کا نام منتخب کیا جائے گا۔ انڈیا اتحاد حکومت بنائے گی اور ملک کی کروڑوں غریب خواتین کے بینک کھاتوں میں 8500 روپے آئیں گے۔

انہوں نے کہا، “انڈیا. اتحاد کے سامنے دو مسائل ہیں، ایک امیراور غریب کی عدم مساوات اور دوسرا بے روزگاری، کانگریس پارٹی ان دونوں مسائل کو ایک ساتھ حل کرنے جا رہی ہے۔ ملک کے غریبوں کی فہرست تیار کی جائے گی۔ 4 جون کو اتحاد ملک کی غریب خواتین کے بینک کھاتوں میں 8500 روپے جمع کرائے گا اور یہ سلسلہ جولائی سے ستمبر اور دسمبر تک جاری رہے گا۔”

‘بی جے پی آئین کو ختم کرے گی’

اس سے قبل بختیار پور میں منعقدہ انتخابی ریلی سے خطاب کرتے ہوئے راہل گاندھی نے کہا کہ اس بار یہ طے ہے کہ نریندر مودی جی ہندوستان کے وزیر اعظم نہیں بننے والے ہیں۔ یہ الیکشن آئین کو بچانے کا الیکشن ہے۔ اگر بی جے پی جیت جاتی ہے تو وہ آئین کو پھاڑ کر پھینک دے گی۔

کسانوں کی آمدنی دوگنی کریں گے

انہوں نے یہ بھی کہا کہ دنیا کی کوئی طاقت آئین کو ہاتھ تک نہیں لگا سکتی۔ انہوں نے کہا کہ کانگریس غریبوں کی فہرست بنائے گی۔ اس فہرست میں کروڑوں خواتین کے نام ہوں گے۔ 5 جولائی کو ہم ان کروڑوں خواتین کے کھاتوں میں 8500 روپے جمع کرائیں گے، یعنی ایک سال میں ایک لاکھ روپے دیں گے۔ ہم کسانوں کی آمدنی بھی دوگنی کرنے جا رہے ہیں۔

بھارت ایکسپریس۔