Pravasi Bharatiya Divas 2023: وزیر اعظم مودی نے تارکین وطن کو بتایا ‘ملک کا سفیر’، کہا- یہ ہندوستان

Pravasi Bhartiya Divas Convention: وزیر اعظم نریندر مودی نے مدھیہ پردیش کے اندور میں چل رہے 17 ویں پرواسی بھارتیہ دیوس 2023 میں شرکت کی۔ سمیلن میں پہنچے پوری دنیا کے ہندوستانیوں کو خطاب کرتے ہوئے وزیراعظم مودی نے ان کا استقبال کیا۔ وزیراعظم نے بیرون ممالک میں رہنے والے ہندوستانیوں کو ہندوستان کا ‘سفیر’ بتایا۔ انہوں نے کہا کہ سبھی تارکین وطن (پرواسی) اپنی مٹی کو سلام کرنے آئے ہیں۔ وزیر اعظم مودی نے کہا کہ لوگ کہتے ہیں کہ اندورایک شہر ہے، میں کہتا  ہوں کہ اندور ایک دور ہے، جو وراثت کو سمیٹ کر رکھتا ہے۔ کچھ لوگ اندورکو سوچھتا (صفائی) کے ساتھ ساتھ سواد (ذائقہ) کی راجدھانی بھی کہتے ہیں۔

وزیراعظم مودی نے کہا کہ تقریباً 4 سالوں بعد پرواسی بھارتیہ دیوس سمیلن 2023 ایک بار پھر سے اپنے اصل فارم میں ہو رہا ہے۔ یہ سمیلن مدھیہ پردیش کی اس سرزمین پر ہو رہا ہے، جس خطے کو ملک کا ‘دل’ کہا جاتا ہے۔  انہوں نے مزید کہا کہ یہ پرواسی بھارتیہ دیوس کئی وجہ سے  خاص ہے۔ ابھی کچھ ماہ پہلے ہی ہم نے ہندوستان کی آزادی کے 75 سال منائے ہیں۔ یہاں جنگ آزادی کی نمائش لگائی گئی ہے۔ ملک امرت کال میں داخل ہوچکا ہے۔ ہندوستان کے ورلڈ ویژن کو مضبوطی ملے گی۔

دنیا کے اتنے الگ الگ ممالک میں جب ہندوستان کے لوگ ایک کامن فیکٹر کی طرح نظر آتے ہیں تو دنیا ایک ملک کے طور پرنظر آتی ہے۔ دنیا کے کسی ایک ملک میں جب ہندوستان کے الگ الگ صوبوں اور علاقوں کے لوگ ملتے ہیں تو ایک بھارت، شریشٹھ بھارت کا خوشگوار احساس ہوتا ہے۔

یہ بھی پڑھیں: ICICI Bank Loan Case: چندا کوچر اور دیپک کوچر کو بامبے ہائی کورٹ سے ملی ضمانت، عدالت نے گرفتاری کو بتایا غیر قانونی

جی 20 کا کیا ذکر

وزیر اعظم مودی نے جی 20 میں ہندوستان کی دستیابی کا ذکر بھی کیا۔ انہوں نے کہا کہ اس سال ہندوستان کے جی 20 گروپ کی صدارت بھی کررہا ہے۔ ہندوستان اس ذمہ داری کوایک بڑے مواقع کے طور پر دیکھ رہا ہے۔ ہمارے لئے یہ دنیا کو ہندوستان کے بارے میں بتانے کا موقع ہے۔ وزیراعظم مودی نے کہا کہ تارکین وطن ہندوستانیوں کے تعاون کا پوری دنیا اندازہ لگاتی ہے۔ اس کے ذریعے ایک مضبوط اور قابل اعتماد ہندوستان کی آواز بھی سنی جاتی ہے۔