Prateek Yadav Postmortem Report: پرتیک یادوکی موت سے متعلق بڑا انکشاف، ابتدائی پوسٹ مارٹم رپورٹ میں وجہ آئی سامنے، یہاں پڑھیں پوری تفصیل

ملائم سنگھ یادوکے چھوٹے بیٹے اورسابق وزیراعلیٰ اکھلیش یادوکے بھائی پرتیک یادوکی پوسٹ مارٹم رپورٹ آگئی ہے۔ اس رپورٹ میں بی جے پی لیڈراپرنا یادوکے شوہرپرتیک یادوکی موت کی وجہ سے واضح طورپربتائی گئی ہے۔ رپورٹ کے مطابق، خون کا لوتھڑا جمع ہوگیا تھا۔ جسم کے نچلے حصے سے اوپری حصے میں خون کا لوتھڑا جمع ہوگیا۔ خون کا جمنا جسم کے نچلے حصے سے اوپری جسم تک سفرکرتا تھا۔ اس کی وجہ سے پھیپھڑوں میں انفیکشن ہوا اوردل کا دورہ پڑا، جس سے موت واقع ہوئی۔ وسرا رپورٹ کے بعد مزید تفصیلات سامنے آئیں گی۔

پوسٹ مارٹم رپورٹ کے مطابق پھیپھڑوں کی رگوں میں خون کا جمنا کارڈیک اورسانس کی خرابی کا باعث بنا، جس سے موت واقع ہوئی۔ ڈاکٹروں نے دل اورپھیپھڑوں کے نمونے مزید معائنے کے لئے محفوظ کرلئے ہیں۔ اس کے علاوہ، جسم کے کچھ حصوں (وسرا) کوکیمیائی تجزیہ کے لیے محفوظ کرکے پولیس کے حوالے کردیا گیا ہے۔ رپورٹ میں کہا گیا ہے کہ جسم پرپائے جانے والے تمام زخم موت سے پہلی کی تھیں۔

صبح تقریباً 5 بجے ہوا انتقال

آپ کو بتادیں کہ بدھ کی صبح 13 مئی 2026 کوپرتیک یادوکا انتقال ہوگیا۔ 38 سالہ پرتیک یادوسماجوادی پارٹی کے بانی آنجہانی ملائم سنگھ یادوکے بیٹے تھے۔ صبح 5 بجے کے قریب انہیں اترپردیش کے دارالحکومت لکھنوواقع سول اسپتال لے جایا گیا۔ جہاں جانچ پڑتال کے بعد انہیں مردہ قراردے دیا گیا۔ سول اسپتال کے ڈائریکٹرجی سی گپتا نے بتایا کہ پرتیک یادوکوجب لایا گیا، تبھی ان کا انتقال ہوگیا تھا۔ پرتیک یادوکی موت کی خبرملنے کے فوراً بعد سماجوادی پارٹی کے سربراہ اکھلیش یادوکنگ جارج میڈیکل کالج کے مردہ خانہ پہنچے۔ میڈیا سے بات کرتے ہوئے اکھلیش یادونے کہا، “وہ بہت اچھے تھے۔ میں نے پرتیک سے پہلے بھی کہا تھا کہ وہ اپنی صحت کا خیال رکھیں۔”

بھارت ایکسپریس اردو-