PM Modi’s deep maroon, golden motif turban steals show: پی ایم مودی کا یوم جمہوریہ پر 2015 سے 2026 تک، پگڑی کے مختلف انداز

ہرسال  کی طرح اس بار بھی یومِ جمہوریہ کے موقع پر وزیر اعظم نریندر مودی کا لباس عوام اور میڈیا کی خاص توجہ کا مرکز بنی رہی۔ 26 جنوری 2026 کو وزیر اعظم مودی ایک باوقار اور پُراثر انداز میں نظر آئے۔ انہوں نے گہرے نیلے رنگ کا کرتا پاجامہ زیب تن کیا، جو سادگی کے ساتھ سنجیدگی کی علامت تھا۔ اس کے اوپر آسمانی رنگ کی ہاف سلیو بند گلا جیکٹ نے ان کے انداز کو مزید نکھار دیا۔ روایتی ہونے کے باوجود یہ لباس جدید اور اسٹائلش محسوس ہوا۔

ان کے اس پورے لُک کا سب سے نمایاں پہلو ملٹی کلر پگڑی رہی، جس پر سنہری رنگ کی خوبصورت بوٹیاں بنی ہوئی تھیں۔ اس پگڑی نے ان کے شخصیت میں شاہانہ وقار اور ثقافتی عظمت کا اضافہ کیا۔ جیکٹ کی اوپری جیب میں رکھا گیا رنگین رومال بھی پگڑی کے رنگوں سے ہم آہنگ نظر آیا، جس نے مجموعی انداز کو متوازن اور دلکش بنایا۔

گزشتہ ایک دہائی سے زائد عرصے میں وزیر اعظم مودی نے یومِ جمہوریہ کے موقع پر اپنے لباس کے ذریعے بھارت کی ثقافتی وراثت، علاقائی روایات اور دستکاری کو عالمی اسٹیج پر نمایاں کیا ہے۔ 2025 میں انہوں نے زعفرانی رنگ کی خاص پگڑی پہن کر ’’سُورنِم بھارت‘‘ کے تصور کو اجاگر کیا، جو ملک کے روشن مستقبل اور شاندار ورثے کی علامت بنی۔

2024 میں وہ بندھنی پرنٹ والی پگڑی میں نظر آئے، جو گجرات کی روایتی ٹائی اینڈ ڈائی آرٹ کو خراجِ تحسین تھی۔ 2023 میں انہوں نے راجستھانی ملٹی کلر پگڑی پہنی، جبکہ 2022 میں پگڑی کے بجائے اتراکھنڈ کی برہم کمل ٹوپی نے سب کی توجہ حاصل کی۔

اس سے قبل 2020 میں زعفرانی بندھेज صافا، 2021 میں سرخ حلاری پگڑی، 2018 میں ملٹی کلر اور 2016 میں پیلی پگڑی جیسے انداز دیکھنے کو ملے۔ مجموعی طور پر وزیر اعظم مودی کا یہ فیشن سفر نہ صرف ان کے ذاتی انداز کی عکاسی کرتا ہے بلکہ بھارت کی ثقافتی ہم آہنگی اور تنوع کو بھی خوبصورتی سے پیش کرتا ہے۔

بھارت ایکسپریس اردو