وزیر اعظم نریندر مودی نے این ڈی ٹی وی ورلڈ سمٹ میں 2014 سے پہلے کے پالیسی منظرنامے پر روشنی ڈالتے ہوئے کانگریس کے دورِ حکومت میں ملک کو درپیش چیلنجز کی ایک سنگین تصویر پیش کی۔ انہوں نے کانگریس پر بڑے پیمانے پر بدعنوانی اور اقتصادی بدانتظامی کو فروغ دینے کا الزام لگایا۔ نئی دہلی کے بھارت منڈپم میں ’’اَن اسٹاپبل انڈیا‘‘ (Unstoppable India) کے موضوع پر خطاب کرتے ہوئے، وزیر اعظم مودی نے سری لنکا کی وزیر اعظم ہرینی امرسوریا، برطانیہ کے سابق وزیر اعظم رشی سونک، اور آسٹریلیا کے سابق وزیر اعظم ٹونی ایبٹ سمیت عالمی لیڈران سے خطاب کیا اور کانگریس دور کی ناکامیوں کے تناظر میں بھارت میں آئی مثبت تبدیلی کو پیش کیا۔ وزیر اعظم مودی نے کہا کہ کانگریس نے ہمیشہ عوام کو نظرانداز کیا۔ انہوں نے کہا کہ ’’انہوں نے عوام کو بینکوں سے دور رکھا، غریب بینک جانے سے ڈرتے تھے۔ جب ہم اقتدار میں آئے، تب ملک کی آدھی آبادی کے پاس بینک کھاتے نہیں تھے۔‘‘
50 کروڑ سے زیادہ جن دھن اکاؤنٹ کھولے گئے
انہوں نے بتایا کہ ان کی حکومت نے 50 کروڑ سے زیادہ جن دھن کھاتے کھولے، جس سے مالیاتی نظام کو عوام تک لے جایا گیا اور بھارت کو ڈیجیٹل لین دین میں عالمی رہنما بنا دیا گیا۔انہوں نے کہا: ’’کانگریس نے پالیسیوں کو حکمراں طبقے تک محدود رکھا جبکہ ہم نے پالیسیوں کو جمہوری بنایا — یہی ’Unstoppable India‘ کی محرک طاقت ہے۔‘‘ وزیر اعظم مودی نے بینکاری شعبے میں ان اصلاحات کا ذکر کیا جن کے ذریعے کانگریس کے دور سے وراثت میں ملے NPA نقصان زدہ اثاثہ بحران سے نمٹا گیا۔
کانگریس پر سخت تنقید
انہوں نے الزام لگایا کہ کانگریس نے این پی اے کا پہاڑ کھڑا کیا، شہریوں کو بینکاری نظام سے دور رکھا اور سبسڈی سے بچنے کے لیے پٹرول پمپ روزانہ 12 گھنٹے بند رکھنے کی اسکیم بنائی۔انہوں نے کہا: 2014 سے پہلے، بات چیت عالمی بحرانوں، خواتین کی سلامتی اور دہشت گرد سلیپر سیلز پر ہوتی تھی۔ تب بہت سے لوگ بھارت کی معاشی بحالی پر شک کرتے تھے۔
بھارت دنیا کی ٹاپ 5 معیشتوں میں شامل
وزیر اعظم مودی نے کہا کہ بھارت اب دنیا کی پانچ بڑی معیشتوں میں شامل ہے۔ انہوں نے آئی ایم ایف کے حالیہ تخمینوں کا حوالہ دیتے ہوئے کہا: مہنگائی 2 فیصد سے کم ہے، اور گزشتہ تین برسوں میں ہماری اوسط ترقی کی شرح 7.8 فیصد رہی ہے۔‘‘انہوں نے عالمی سرمایہ کاروں کے بھارت میں بڑھتے اعتماد کا ذکر کیا، جیسے گوگل کا حالیہ بڑا سرمایہ کاری کا فیصلہ اور انرجی و سیمی کنڈکٹر میدانوں میں دلچسپی کا حوالہ دیا۔
بھارت ایکسپریس اردو۔
صدر زیلنسکی نے ایمانوئل میکرون کے ساتھ بات چیت کو اہم قرار دیا۔ انہوں نے…
انوشکا یادو اپنی بیٹی اُجّینی کے ساتھ ڈانڈیا کلاس میں شرکت کرنے پہنچی تھیں۔ انہوں…
کم سے کم درجۂ حرارت میں کوئی خاص تبدیلی درج نہیں کی گئی، تاہم یہ…
ہندوستانی کپتان کی توجہ فی الحال ٹیم کے لیے نئے معیار قائم کرنے پر ہے۔…
ڈپٹی کمشنر آف پولیس (ڈی سی پی) نے بتایا کہ نئی دہلی میونسپل کونسل (این…
مظاہرے کے دوران پولیس پر مار پیٹ کا الزام لگانے والی کیرالہ کی قانون کی…