وزیر اعظم نریندر مودی پارلیمنٹ میں خطاب کرتے ہوئے۔
نئی دہلی: وزیراعظم نریندرمودی نے لوک سبھا میں پہلگام اورآپریشن سندورپربحث کے دوران پاکستان کومنہ توڑجواب دیا ہے۔ وزیراعظم نے کہا کہ اب ایٹمی دھمکیاں کام نہیں کریں گی۔ پہلگام حملے کے بعد جوابی کارروائی کرتے ہوئے ہم نے ثابت کردیا ہے کہ ایٹمی بلیک میلنگ اب نہیں چلے گی اورنہ ہی بھارت ایسی بلیک میلنگ کے آگے جھکنے والا ہے۔ اس کے ساتھ ہی وزیراعظم نے یہ بھی کہا کہ دنیا کے 190 ممالک نے ہندوستان کے آپریشن سندورکی حمایت کی۔
پی ایم مودی نے کہا کہ دنیا کے 190 ممالک نے ہندوستان کے آپریشن سندورکی حمایت کی، لیکن کانگریس نے اس کی حمایت نہیں کی۔ آپریشن سندورکے دوران پوری دنیا نے خودانحصارہندوستان کی طاقت کوتسلیم کیا۔ بھارت کے تیارکردہ میزائل اورڈرون نے پاکستان کوبے نقاب کردیا۔ پاکستان کے خلاف جنگ توکئی بارلڑی جا چکی ہے، لیکن بھارت کی جانب سے پہلی بارایسی حکمت عملی بنائی گئی کہ ہم وہاں پہنچ گئے، جہاں وہ پہلے کبھی نہیں گیا تھا اورحملہ کیا۔ بھارت نے پاکستان کے کونے کونے میں دہشت گردوں کے ٹھکانوں کوتباہ کیا۔
22 منٹ میں 22 اپریل کا بدلہ
پارلیمنٹ میں تقریرکرتے ہوئے وزیراعظم مودی نے کہا کہ پہلگام حملے کے بعد پاکستانی فوج نے اندازہ لگایا تھا کہ ہندوستان کوئی بڑی کارروائی کرے گا۔ پاکستان کی طرف سے ایٹمی دھمکیوں کے بیانات آنا شروع ہوگئے، لیکن بھارت نے 6 مئی کی رات اور7 مئی کی صبح طے شدہ کارروائی کی اورپاکستان کچھ نہ کرسکا۔ بھارت نے اپنے مقررہ ہدف کے ساتھ 22 اپریل کا بدلہ 22 منٹ میں لے لیا۔ وزیراعظم نے کہا کہ بھارت نے آپریشن سندورمیں اپنی تکنیکی صلاحیت کا مظاہرہ کیا۔ بھارت نے ایک درست حملہ کیا۔ پاکستان کے فضائی اڈوں کوشدید نقصان پہنچا۔ آج تک ان کے کئی ایئربیس آئی سی یومیں پڑے ہیں۔ آج ٹیکنالوجی پرمبنی جنگ کا دور ہے۔ آپریشن سندوراس مہارت میں بھی کامیاب ثابت ہوا ہے۔ گزشتہ 10 سالوں میں جوتیاریاں کی گئیں اگروہ نہ کی جاتیں تونقصان کا اندازہ لگانا مشکل ہوتا۔ آپریشن سندورکے دوران پوری دنیا نے خود انحصارہندوستان کی طاقت کوتسلیم کیا۔ بھارت کے تیارکردہ میزائل اورڈرون نے پاکستان کوبے نقاب کر دیا۔
ہندوستان میں فساد پھیلانے کی سازش تھی: وزیراعظم مودی
اپنی تقریرکے آغاز میں وزیراعظم مودی نے کہا کہ 22 اپریل کوپہلگام میں جوظالمانہ واقعہ ہوا، دہشت گردوں نے جس طرح معصوم لوگوں کو ان کا مذہب پوچھ کرگولی ماری، وہ ظلم کی انتہا تھی۔ یہ بھارت کوتشدد کی آگ میں جھونکنے کی ایک سوچی سمجھی کوشش تھی۔ یہ بھارت میں فسادات پھیلانے کی سازش تھی۔ آج میں اہل وطن کا شکریہ ادا کرتا ہوں کہ سب نے اتحاد سے اس سازش کوناکام بنایا۔
بھارت ایکسپریس اردو۔
وزیر اعظم مودی نے کہا کہ عالمی کھیلوں کے میدان میں ہندوستان کی شناخت مسلسل…
وزیر اعظم کے مجوزہ بہار دورے اور پروگرام کی تیاریوں کے سلسلے میں جمعرات کو…
ڈاکٹر کا الزام ہے کہ فلیٹ میں اتولیا سمیت 12 افراد موجود تھے۔ جیسے ہی…
نیپال کے دارالحکومت کھٹمنڈو میں جمعرات کے روز بھارت کے خارجہ سکریٹری وکرم مسری نے…
یو پی ایس سی نے واضح کیا ہے کہ انٹرویو کی تاریخ یا وقت میں…
وزیراعظم مودی کے نام لکھے گئے خط میں ماہر تعلیم اور ممتاز دانشور پروفیسر اخترالواسع…