PM Modi praises narasapuram lace craft: نرساپورم کی لیس دستکاری پر فدا ہوئے وزیر اعظم مودی، وزیر اعلیٰ نائیڈو نے کہا ’شکریہ‘

وزیر اعظم نریندر مودی نے گزشتہ روز اپنے پروگرام من کی بات میں خطاب کیا، جس کے دوران انہوں نے آندھرا پردیش کے نرساپورم کی لیس دستکاری کی بھرپور ستائش کی۔ اب اس پر آندھرا پردیش کے وزیر اعلیٰ این چندرابابو نائیڈو نے اتوار کو نرساپورم لیس شلپ کی ستائش کرنے پر وزیر اعظم مودی کا شکریہ ادا کیا ہے۔ انہوں نے اس حوالے سے سوشل میڈیا پر ایک پوسٹ کے ذریعے اظہار تشکر کیا۔ وزیر اعلیٰ چندرابابو نائیڈو نے لکھا: ’’وزیراعظم مودی! نرساپورم کی لیس دستکاری کی تعریف کرنے کے لیے آپ کا شکریہ۔ آندھرا پردیش کئی روایتی فنون کا گھر ہے، جنہیں نسل در نسل خاندانوں اور برادریوں نے محفوظ رکھا ہے۔ انہی میں سے ایک خوبصورت فن کروشے لیس بنانا ہے، جس کی ابتدا نرساپورم میں ہوئی تھی۔‘‘

مہارت اور لگن کی ستائش

انہوں نے کہا کہ میں اُن خواتین کی مہارت اور لگن کو دل سے سراہتا ہوں جنہوں نے نہ صرف اس فن کو محفوظ رکھا بلکہ اسے پوری دنیا میں پھیلایا بھی ہے۔ ان کے کام کو دوبارہ فروغ پاتے اور وہ پہچان حاصل کرتے دیکھنا بے حد خوشی کی بات ہے جس کی وہ حقدار ہیں۔ ہم اس فن کی حفاظت اور سرپرستی جاری رکھیں گے اور اس سے وابستہ کاریگروں کو بااختیار بناتے رہیں گے۔

وزیر اعظم کے پوسٹ کا جواب

وزیر اعلیٰ نائیڈو نے وزیر اعظم مودی کی ایک پوسٹ کا جواب دیا۔ وزیر اعظم کی پوسٹ میں لکھا تھا:

’’نرساپورم میں کی گئی اس کوشش نے مقامی لیس دستکاری کو دوبارہ زندہ کیا ہے اور اس طرح بہت سے لوگوں کو بااختیار بنایا ہے۔‘‘وزیر اعظم مودی نے اپنے خطاب کے دوران یہ بھی کہا تھا کہ روایتی فنون نہ صرف معاشرے کو مضبوط بناتے ہیں بلکہ لوگوں کی معاشی ترقی کا ایک بڑا ذریعہ بھی بنتے ہیں۔ انہوں نے کہا تھا کہ آندھرا پردیش کے نرساپورم ضلع کی لیس بنانے کی فنکاری اب پورے ملک میں پہچان حاصل کر رہی ہے۔ یہ فن کئی نسلوں سے خواتین کے ہاتھوں میں رہا ہے۔

مہارت نے فن کو محفوظ رکھا — وزیر اعظم مودی

وزیر اعظم نے کہا کہ ملک کی خواتین نے بڑی صبر و تحمل اور مہارت کے ساتھ لیس بنانے کے فن کو محفوظ رکھا ہے۔ انہوں نے مزید کہا: ’’آج یہ روایت نئی شکل اور نئی توانائی کے ساتھ آگے بڑھ رہی ہے۔ آندھرا پردیش حکومت اور نابارڈ مل کر کاریگروں کو نئے ڈیزائن سکھانے، بہتر مہارتی تربیت فراہم کرنے اور انہیں نئی منڈیوں سے جوڑنے کے لیے کام کر رہے ہیں۔‘‘وزیر اعظم نے یہ بھی بتایا کہ نرساپورم لیس کو جی آئی ٹیگ مل چکا ہے۔ انہوں نے کہا کہ آج اس سے 500 سے زیادہ مصنوعات تیار کی جا رہی ہیں اور 250 سے زائد دیہات میں تقریباً ایک لاکھ خواتین کو اس کے ذریعے روزگار مل رہا ہے۔

بھارت ایکسپریس اردو۔