PM Modi attacks Tejashwi yadav: آر جے ڈی کے پوسٹر سے لالو غائب! تیجسوی یادو پر وزیراعظم مودی کا سخت حملہ؛  ’کون سا پاپ ہے‘ جسے تم چھپا رہے ہو؟

وزیراعظم نریندر مودی نے تیجسوی یادو پر سخت حملہ کرتے ہوئے انہیں جنگل راج کا شہزادہ قرار دیا ہے۔ وزیراعظم مودی نے آر جے ڈی کے پوسٹروں میں لالو پرساد یادو کی چھوٹی تصویروں پر بھی طنز کیا۔ بہار کے کٹیہار میں عوامی جلسے سے خطاب کرتے ہوئے مودی نے کہا کہ جو برسوں تک وزیراعلیٰ رہے، جنہوں نے بہار میں جنگل راج لایا، ان کی تصویریں آر جے ڈی اور کانگریس کے پوسٹروں سے یا تو غائب ہیں یا کسی کونے میں اتنی چھوٹی لگائی گئی ہیں کہ دوربین سے بھی نظر نہیں آتیں۔آر جے ڈی پر حملہ جاری رکھتے ہوئے انہوں نے کہا کہ جو اتنے بڑے لیڈر تھے جن کے خاندان کے تمام افراد انتخابی میدان میں ہیں، پھر یہ چھپن چھپائی کیوں ہو رہی ہے؟ باپ کا نام چھپانے میں شرم کیوں آ رہی ہے؟ آخر وہ کون سا گناہ ہے جسے آر جے ڈی کے لوگ بہار کی عوام سے چھپا رہے ہیں؟

پوسٹروں سے کانگریس تقریباً غائب – پی ایم مودی

وزیراعظم مودی نے کہا کہ مہاگٹھ بندھن میں اختلافات کھل کر سامنے آ گئے ہیں۔ انہوں نے کہا کہ آر جے ڈی کے پوسٹروں سے کانگریس تقریباً غائب ہے۔ کانگریس کو صرف دکھاوے کے لیے وزیراعلیٰ کا امیدوار بنانے پر مجبور کیا گیا۔ اب کانگریس کو اس کی اوقات دکھائی جا رہی ہے۔ مودی نے کہا کہ کانگریس کے نامدار گزشتہ ہفتوں تک بہار میں بڑے بڑے دعوے کر رہے تھے، لیکن آر جے ڈی نے ان کی تصویر اور دعووں کو اپنے پوسٹروں اور منشور سے غائب کر دیا ہے۔ مودی نے مزید کہا کہ جو وعدے اور اعلانات آر جے ڈی کے لیڈر کر رہے ہیں، ان پر خود کانگریس کے لوگ یقین نہیں کر رہے۔ انہوں نے کہا کہ جب میڈیا والے کانگریس کے لیڈروں سے منشور پر سوال پوچھتے ہیں تو وہ کہتے ہیں کہ اس بارے میں ’جنگل راج کے یووراج‘ سے پوچھو۔‘‘

’طویل عرصہ سے شدید جھگڑا چل رہا ہے‘

 وزیراعظم مودی نے ایک اور مثال دیتے ہوئے کہا کہ آر جے ڈی اور کانگریس کے درمیان طویل عرصے سے شدید جھگڑا چل رہا ہے۔ کانگریس کے نامدار نے چھٹھ مہاپرب کو ڈرامہ کہا تاکہ بہار کے لوگ آر جے ڈی پر غصہ اتاریں اور اسے شکست دیں۔

بھارت ایکسپریس اردو۔