PM Modi and Amit Shah Express Grief: کولکاتا پنڈال حادثے پر پی ایم مودی نے دکھ کا اظہار کیا، مہلوکین کے اہل خانہ کو 2 لاکھ روپے دینے کا اعلان، امت شاہ جائیں گے اسپتال

کولکاتا کا واقعہ انتہائی تکلیف دہ ہے: پی ایم مودی

وزیر اعظم نریندر مودی نے سوشل میڈیا پلیٹ فارم ’ایکس‘ پر اپنے تعزیتی پیغام میں لکھا، ’’کولکاتا میں پیش آنے والا بھگدڑ کا واقعہ انتہائی تکلیف دہ ہے۔ میری ہمدردیاں ان تمام خاندانوں کے ساتھ ہیں جنہوں نے اپنے عزیزوں کو کھو دیا ہے۔ میں ایشور سے دعا کرتا ہوں کہ زخمی عقیدت مند جلد صحت یاب ہوں۔‘‘ پی ایم مودی نے مزید کہا کہ مقامی انتظامیہ متاثرہ افراد کو ہر ممکن مدد اور راحت پہنچانے میں مصروف ہے۔

وزیر داخلہ نے بنگال کے تمام پروگرام ملتوی کیے

مرکزی وزیر داخلہ امت شاہ نے اس واقعے پر دکھ کا اظہار کرتے ہوئے بتایا کہ انہوں نے مغربی بنگال کے وزیر اعلیٰ شوویندو ادھیکاری سے بات کرکے صورت حال کی معلومات حاصل کی ہیں۔ امت شاہ نے کہا کہ زخمیوں کو ہر ممکن طبی سہولت فراہم کی جا رہی ہے۔ انہوں نے بنگال میں اگلے دن کے اپنے تمام پہلے سے طے شدہ پروگرام ملتوی کر دیے ہیں۔ وہ کولکاتا پہنچ کر اسپتال میں زخمیوں سے ملاقات کریں گے۔ انہوں نے ماں درگا سے تمام زخمیوں کی جلد صحت یابی کی دعا بھی کی۔

अभी-अभी कोलकाता के चोरबागान सार्वजनिक दुर्गा पूजा पंडाल में हुई भगदड़ का अत्यंत दु:खद समाचार मिला। इस संबंध में मुख्यमंत्री श्री शुभेंदु अधिकारी जी से बात की। इस हादसे में जान गँवाने वाले श्रद्धालुओं की आत्मा की शांति की प्रार्थना करता हूँ और परिवारजनों के प्रति संवेदनाएँ व्यक्त करता हूँ। प्रशासन द्वारा घायलों को हर संभव चिकित्सा सुविधा उपलब्ध करवाई जा रही है।

पश्चिम बंगाल के अपने कल के सभी कार्यक्रम स्थगित कर अस्पताल जाकर घायलों से मिलूँगा। माँ दुर्गा से सभी घायलों के शीघ्र स्वस्थ होने की प्रार्थना करता हूँ।

— Amit Shah (@AmitShah) October 17, 2026

بارش کے دوران پنڈال کا ایک حصہ گرنے سے بھگدڑ مچی

قابل ذکر ہے کہ شمالی کولکاتا کے گریش پارک تھانہ علاقے میں واقع چورباگان (شاردا پارک) پوجا پنڈال میں شدید بارش کے دوران اچانک جمع ہونے والی بھیڑ کے دباؤ سے ڈھانچے کا ایک حصہ گر گیا تھا۔ اس کے بعد باہر نکلنے کے دروازے پر مچی بھگدڑ میں 17 عقیدت مندوں کی جان چلی گئی، جبکہ تقریباً 40 افراد زخمی ہو گئے۔ زخمیوں کا علاج کلکتہ میڈیکل کالج میں جاری ہے اور انتظامیہ مسلسل صورت حال پر نظر رکھے ہوئے ہے۔

بھارت ایکسپریس اردو۔