Planning to buy room heater: کیا آپ روم ہٹیر خریدنے جا رہے ہیں؟ تو پہلے ان باتوں کو ضرور رکھ لیں ذہن میں

نومبر کے آغاز سے ہی سردی نے اپنی دستک دے دی ہے،  جو اب مہینے کے درمیان میں اپنا اثر دکھا رہی ہے۔ اسی دوران لوگ اپنے گھروں کو گرم رکھنے کے لیے روم ہیٹر خریدنے کی تیاری میں لگے ہوں گے۔ لیکن مارکیٹ میں بڑی مقدار میں ہیٹر دستیاب ہیں کہ لوگ قیمت اور سائز دیکھ کر اکثر الجھ جاتے ہیں۔ ایسے میں ہیٹر خریدنے سے پہلے کچھ باتوں کا خیال رکھنا بہت ضروری ہے۔ آئیے جانتے ہیں کہ ہیٹر خریدتے وقت کن باتوں کا خیال رکھنا چاہیے۔

کمرے کا سائز

ہیٹر خریدتے وقت کمرے کے سائز کو ذہن میں رکھنا بے حد ضروری ہے، کیونکہ ہیٹر کی صلاحیت اسی پر منحصر ہوتی ہے۔ جیسے چھوٹے کمروں کے لیے 800 سے 1200 واٹ کا ہیٹر کافی اور مناسب ہوتا ہے، لیکن بڑے کمروں کے لیے یہ چھوٹا ثابت ہوگا۔ بڑے کمروں میں کم از کم 2000 واٹ یا اس سے زیادہ صلاحیت والا ہیٹر بہترین رہتا ہے۔ لہٰذا کمرے کے سائز کے مطابق ہیٹر کا انتخاب کریں۔

سیفٹی فیچرز ضرور چیک کریں

ہیٹر میں آگ لگنے یا جلنے کے خدشات اکثر رہتے ہیں۔ اس لیے روم ہیٹر لیتے وقت سیفٹی فیچرز کو ضرور چیک کریں تاکہ ایسے واقعات کے امکانات کم ہوں۔ دھیان رکھیں کہ ہیٹر میں آٹو کٹ آف، ٹِپ اوور پروٹیکشن اور کول ٹچ باڈی جیسے فیچرز موجود ہوں۔ آٹو کٹ آف فیچر زیادہ گرم ہونے پر ہیٹر خود بند ہو جاتا ہے، جبکہ ٹِپ اوور پروٹیکشن سے ہیٹر کے گرنے پر بجلی کی سپلائی خود بخود بند ہو جاتی ہے۔

بجلی کی کھپت

مارکیٹ میں ایسے کئی ہیٹر دستیاب ہیں جو سستے تو ہوتے ہیں، لیکن زیادہ بجلی استعمال کرتے ہیں۔ ایسے میں کم بجلی کھپت والے ہیٹر کا انتخاب بہتر ہے، جیسے آئل فیلڈ ہیٹر۔ یہ کم بجلی میں بھی کافی گرمائش فراہم کرتا ہے اور کمرے کی نمی کو ختم نہیں کرتا، جس سے جلنے یا خشک ہونے کی شکایات کم ہوتی ہیں۔ روزانہ کئی گھنٹے ہیٹر چلانے والوں کے لیے آئل فیلڈ ہیٹر بہترین آپشن ہے۔

صحت اور ہوا کی نمی کا خیال رکھیں

کئی ہیٹر ایسے ہوتے ہیں جو کمرے کی نمی کو ختم کر دیتے ہیں، جس سے جلد خشک ہونا، آنکھوں میں جلن، الرجی اور دمہ کی مشکلات بڑھ جاتی ہیں۔ اس لیے ایسی خصوصیت والے ہیٹر سے گریز کریں یا ہمیڈیفائر کے ساتھ ہیٹر کا انتخاب کریں۔ آئل فیلڈ ہیٹر بھی اس معاملے میں بہترین ہے۔ ہیٹر استعمال کرتے وقت کمرے میں تھوڑی وینٹیلیشن ضرور رکھیں۔

برانڈ پر دھیان دیں

سستے اور غیر معروف برانڈ کے ہیٹر کے چکر میں نہ پڑیں، معتبر برانڈ کے ہیٹر کا انتخاب کریں۔ یہ قیمت میں تھوڑے مہنگے ضرور ہوں گے لیکن زیادہ دیر تک چلتے ہیں اور اوور ہیٹنگ کا خطرہ کم ہوتا ہے۔ دھیان رہے کہ کم از کم ایک سال کی وارنٹی والا ہیٹر اور BIS مارک والا ہیٹر ہی خریدیں۔

بھارت ایکسپریس اردو۔