Varanasi Mass Suicide: وارانسی میں ایک ہی فیملی کے 4 افراد نے کی خود کشی، پولیس جانچ میں مصروف

Varanasi Mass Suicide: اترپردیش کے وارانسی سے دل دہلا دینے والی خبرآئی ہے۔ دراصل یہاں ایک ہی فیملی کے 4 افراد نے اجتماعی طور پرخود کشی کرلی ہے۔ معاملے کا انکشاف جمعرات کی شام کو ہوا ہے۔ ہلاک ہونے والوں میں ایک خاتون اور تین مرد شامل ہیں۔ وارانسی پولیس جانچ میں مصروف ہوگئی ہے کہ آخر اجتماعی خود کشی کی کیا وجہ ہے؟

بتایا جا رہا ہے کہ وارانسی کے کیلاش بھون کی تیسری منزل پریہ حادثہ پیش آیا ہے۔ یہاں ایک خاتون سمیت چارلوگوں نے خود کشی کرلی ہے۔ فیملی نے ایسا قدم کیوں اٹھایا، یہ تو جانچ کے بعد ہی پتہ چل پائے گا۔

چاروں مہلوکین نے دھرمشالہ کی تیسری منزل پر کمرہ اندرسے بند کرکے پھانسی لگائی تھی۔ دھرمشالہ کی ایک خاتون نے جب کمرے کے اندرکوئی ہلچل نہیں دیکھی تو اس نے دروازہ کھلوانے کی کوشش کی، لیکن دروازہ نہیں کھلا۔ سخت مشقت کے بعد جب دروازہ توڑا گیا تو کمرے کے اندر کا نظارہ دیکھ کر وہاں موجود لوگوں کے رونگٹے کھڑے ہوگئے۔