Opposition Parties Meeting Patna: پٹنہ میں اپوزیشن جماعتوں کی میٹنگ میں شرکت کرنے پہونچیں محبوبہ مفتی،اوپیندر کشواہا کا بڑا بیان آیا سامنے

   بہار کے دارلحکومت پٹنہ میں 23 جون کو ہونے والی میٹنگ کے حوالے سے پٹنہ میں مکمل تیاریاں کر لی گئی ہیں۔ 2024 میں ہونے والے لوک سبھا انتخابات کے لیے حکمت عملی تیار کی جائے گی۔ کانگریس لیڈر راہل گاندھی اور پارٹی کے قومی صدر ملکارجن کھرگے اپوزیشن اتحاد کی میٹنگ کے لیے جمعہ کو پٹنہ آنے والے ہیں۔ بتایا جاتا ہے کہ میٹنگ میں شرکت سے قبل وہ صداقت آشرم جائیں گے۔ کارکنوں اور رہنماؤں سے ملاقات کریں گے۔

محبوبہ مفتی پٹنہ پہونچیں

جموں و کشمیر کی سابق وزیر اعلیٰ محبوبہ مفتی اپوزیشن کے اجلاس میں شرکت کے لیے پٹنہ پہنچ گئی ہیں۔ وزیر شیلا منڈل نے ہوائی اڈے پر جموں و کشمیر کی سابق وزیر اعلی اور پی ڈی پی کی سربراہمحبوبہ مفتی کا استقبال کیا۔ محبوبہ مفتی ہوائی اڈے سے سیدھے سرکاری گیسٹ ہاؤس جائیں گی۔

اتر پردیش کے نائب وزیر اعلی برجیش پاٹھک نے بہار میں اپوزیشن کی میٹنگ پر حملہ کیا ہے۔ برجیش پاٹھک نے کہا کہ یہ میٹنگ مکمل فلاپ شو ثابت ہوگا۔ یہ لوگ اقتدار کے حصول لیے مسلسل مشق کرتے رہتے ہیں۔ بی جے پی ملک کے لیے کام کر رہی ہے۔ یہ لوگ (اپوزیشن) کرسی کے لیے کام کر رہے ہیں۔ وہ منہ کے بل گریں گے۔

 وہیں اس معاملہ پر جے ڈی یو کے سابق رہنما اوپیندر کشواہا نے کہا کہ  ملک  نے 1977 اور 1989 کے وسط مدتی انتخابات کی صورت میں صرف منفی کی بنیاد پر بنائے گئے اپوزیشن اتحاد کی  صورتحال دیکھ چکی  ہے۔ اس اتحاد کا مقصد  ملک کو حکمران جماعت کے علاوہ کوئی نیا متبادل ماڈل پیش نہیں کیا گیا۔ ایک بار پھر عوام اسی ہیکنی تجربے کے نتائج سے واقف ہے۔

اپوزیشن اتحاد کا اجلاس 23 جون کو ہوگا۔ بدھ (21 جون) کی رات  بہار کے سابق وزیراعلی لالو یادو وزیر اعلیٰ نتیش کمار سے ملنے پہنچے۔ بتایا جا رہا ہے کہ لالو یادو اپوزیشن پارٹیوں کی میٹنگ ک تیاریوں کا جائزہ لینے سی ایم ہاؤس پہنچے تھے۔ لالو تقریباً آدھا گھنٹہ  وزیر اعلی کی رہائش گاہ میں رہے۔ نتیش خراب صحت کی وجہ سے تمل ناڈو نہیں جا سکے۔ لالوپرساد یادو نے ان کی صحت کے بارے میں بھی پوچھا۔ جمعہ (23 جون) کو پٹنہ میں اپوزیشن اتحاد کی میٹنگ ہونے جا رہی ہے۔ اس میٹنگ کی قیادت بہار کے وزیر اعلی  نتیش کمار  کر رہے ہیں ۔ اس کے لیے مکمل تیاری کر لی گئی ہے۔ کھانے اور رہائش کے انتظامات بھی مکمل کئے گئے ہیں۔ میٹنگ جمعہ کو ہے، لیکن ایک دن پہلے پٹنہ میں غیر بی جے پی پارٹیوں کے لیڈروں کا اکٹھا ہونا  شروع ہو گیا ہے۔ آج جمعرات کو بنگال کی وزیر اعلیٰ ممتا بنرجی، دہلی کے وزیر اعلی اروند کیجریوال جیسے لیڈر شام تک پٹنہ پہنچ جائیں گے۔