نئی دہلی: ہندوستان کے ڈیجیٹل ادائیگی نظام یونیفائیڈ پیمنٹ انٹرفیس (یو پی آئی) نے منگل کو اپنے 10 سال مکمل کر لیے۔ اس موقع پر وزیر اعظم نریندر مودی نے کہا کہ ملک کے اس ڈیجیٹل انقلاب پر ہر ہندوستانی کو فخر ہونا چاہیے۔ انہوں نے یو پی آئی کے آغاز کو ہندوستان کی ڈیجیٹل ادائیگی کی تاریخ کا ایک اہم اور فیصلہ کن لمحہ قرار دیا۔ وزیر اعظم مودی نے سوشل میڈیا پلیٹ فارم ’ایکس‘ پر کہا کہ ایک دہائی قبل یو پی آئی کا آغاز ہندوستان کے ڈیجیٹل ادائیگی کے سفر میں اب تک کا سب سے فیصلہ کن قدم ثابت ہوا ہے۔ انہوں نے یو پی آئی کے وسیع پیمانے اور ملک بھر میں اس کی رسائی پر فخر کا اظہار کرنے کی اپیل کرتے ہوئے لوگوں سے کہا کہ وہ یو پی آئی کے ساتھ اپنے تجربات بھی شیئر کریں اور بتائیں کہ اس کے آنے سے ان کی زندگی میں کیا تبدیلی آئی ہے۔
10 سال میں لین دین میں 13 ہزار گنا اضافہ
وزارت خزانہ کے مطابق، گزشتہ ایک دہائی کے دوران یو پی آئی کے ذریعے سالانہ لین دین کی تعداد میں غیر معمولی اضافہ ہوا ہے۔ مالی سال 17-2016 میں یو پی آئی کے ذریعے صرف 1.78 کروڑ لین دین ہوئے تھے، جو مالی سال 26-2025 میں بڑھ کر 24,162 کروڑ ہو گئے۔ اس طرح دس سال کے دوران یو پی آئی لین دین کی تعداد میں تقریباً 13 ہزار گنا اضافہ ہوا ہے۔ یو پی آئی کے ذریعے ہونے والے لین دین کی مجموعی مالیت میں بھی زبردست اضافہ دیکھنے میں آیا ہے۔ مالی سال 17-2016 میں یہ مالیت صرف 0.07 لاکھ کروڑ روپے تھی، جو مالی سال 26-2025 میں بڑھ کر 314 لاکھ کروڑ روپے ہو گئی۔ اس طرح ایک دہائی میں لین دین کی مجموعی مالیت میں تقریباً 4 ہزار گنا اضافہ ہوا ہے۔
A decade ago, UPI was rolled out, marking a major turning point in India’s digital payments journey.
The sheer scale and reach of UPI are something every Indian must be proud of.
Tell me about your UPI experience and how it impacted your life… #10YearsOfUPI pic.twitter.com/Xtto6V6gpU
— Narendra Modi (@narendramodi) August 25, 2026
25 اگست 2016 کو شروع ہوا تھا یو پی آئی
نیشنل پیمنٹ کارپوریشن آف انڈیا (این پی سی آئی) نے 25 اگست 2016 کو یو پی آئی کو لانچ کیا تھا۔ ابتدا میں اس کا دائرہ محدود تھا، لیکن وقت کے ساتھ یہ ہندوستان کے ڈیجیٹل ادائیگی نظام کی ریڑھ کی ہڈی بن گیا۔ موبائل فون کے ذریعے چند لمحوں میں ادائیگی کی سہولت نے ملک میں ڈیجیٹل لین دین کو نئی رفتار دی۔ آج چھوٹے دکانداروں سے لے کر بڑے کاروباری اداروں تک، یو پی آئی روزمرہ کی مالی سرگرمیوں کا ایک اہم حصہ بن چکا ہے۔
دنیا بھر میں یو پی آئی کو ملی پہچان
وزارت خزانہ کے مطابق یو پی آئی کے وسیع پیمانے، اعتماد اور مختلف ادائیگی نظاموں کے درمیان باہمی مطابقت کو عالمی سطح پر بھی تسلیم کیا گیا ہے۔ بین الاقوامی مالیاتی فنڈ (آئی ایم ایف) نے لین دین کے حجم کے اعتبار سے یو پی آئی کو دنیا کا سب سے بڑا ریئل ٹائم پیمنٹ سسٹم قرار دیا ہے۔ اعداد و شمار کے مطابق، 2025 تک دنیا بھر میں ہونے والے ریئل ٹائم پیمنٹ لین دین کے مجموعی حجم میں یو پی آئی کی تقریباً 49 فیصد حصہ داری تھی۔ یو پی آئی کے 10 سالہ سفر کو ہندوستان میں ڈیجیٹل ادائیگی کے شعبے میں آنے والی بڑی تبدیلی کی نمایاں مثال قرار دیا جا رہا ہے۔
بھارت ایکسپریس اردو۔
سمندری طوفان کے خطرے کو دیکھتے ہوئے اڈیشہ، مغربی بنگال اور آندھرا پردیش میں قومی…
دو ہفتے قبل ہونے والے حملے کے بعد ریاض کے کنگ خالد بین الاقوامی ہوائی…
برازیل کے صدارتی انتخاب میں امریکی صدر ڈونلڈ ٹرمپ کی انتظامیہ کی پالیسیاں بھی اہم…
وزیر اعظم مودی نے کہا کہ اس جذبے کی عکاسی ایودھیا کے عظیم الشان رام…
ہندوستانی ٹیم نے زمبابوے کو 121 رنز سے شکست دے کر تین میچوں کی ون…
وزیر اعظم نریندر مودی کے اوڈیشہ دورے کے دوران بھونیشور میں جشن کا ماحول رہا۔…