’50 ایم ایل اے کو 50-50 کروڑ روپے کی پیشکش’، سی ایم سدارمیا نے بی جے پی پر لگایا آپریشن لوٹس کا الزام

Karnataka: کرناٹک میں ایک بار پھر آپریشن لوٹس کی آوازیں سنائی دے رہی ہیں۔ وزیر اعلیٰ سدارمیا نے بھارتیہ جنتا پارٹی (بی جے پی) پر بڑا الزام لگاتے ہوئے کہا کہ کانگریس کے 50 ایم ایل ایز کو 50 کروڑ روپے کا آفر دے کر خریدنے کی کوشش کی گئی۔ انہوں نے کہا کہ آج تک بی جے پی ریاست میں اپنے طور پر کبھی اقتدار میں نہیں آئی ہے۔ آپریشن لوٹس کے ذریعے ہی اقتدار میں آئے۔

سی ایم سدارمیا نے الزام لگایا کہ اس بار انہوں نے کانگریس کے 50 اراکین اسمبلی کو 50 کروڑ روپے کا آفر دے کر خریدنے کی کوشش کی۔ یہ پیسہ کہاں سے آتا ہے؟ کیا یدیورپا، بومئی، آر اشوک نے یہ پیسہ چھاپی؟ یہ وہ پیسہ ہے جس نے ریاست کو لوٹا ہے۔

‘کانگریس کے خلاف سازش کر رہی ہے بی جے پی’

کرناٹک کے وزیر اعلیٰ سدارمیا نے بی جے پی پر سخت حملہ کرتے ہوئے کہا، ”بی جے پی ای ڈی، سی بی آئی، محکمہ انکم ٹیکس اور گورنر کا غلط استعمال کرکے ہمارے خلاف سازش کر رہی ہے۔ پہلے اروند کیجریوال کو نشانہ بنایا گیا اور اب مجھے اور میری بیوی کو نشانہ بنایا جا رہا ہے۔ چیف منسٹر نے یہ بیان ٹی نرسی پور اسمبلی حلقہ میں ترقیاتی پروجیکٹوں کے افتتاح کے دوران دیا۔

یہ بھی پڑھیں- Maharashtra Election 2024: لگاتار دو دن سے بیگ چیکنگ، اب روکا گیا ادھو ٹھاکرے کا قافلہ، سابق وزیر اعلیٰ ناراض

میں بی جے پی اور مرکزی حکومت کی سازشوں کے سامنے نہیں جھکوں گا

انہوں نے کہا کہ میں کل یا پرسوں کا وزیر اعلیٰ نہیں ہوں بلکہ 40 سال سے اس عہدے پر کام کر رہا ہوں۔ میرے خلاف جھوٹے مقدمات درج کیے جا رہے ہیں۔ کیا ریاست کے لوگ بے وقوف ہیں؟ عوام کا آشیرواد میرے ساتھ ہے اور میں بی جے پی اور مرکزی حکومت کی سازشوں کے سامنے نہیں جھکوں گا۔ “بی جے پی نے کانگریس ایم ایل اے کو خریدنے کے لیے 50 کروڑ روپے کی پیشکش کی تھی، لیکن ہمارے ایم ایل اے نے ان کے لالچ کو ٹھکرا دیا۔” وزیر اعلیٰ نے یہ بھی کہا کہ بی جے پی اور جے ڈی ایس ریاستی حکومت کی گارنٹی اسکیموں کے بارے میں غلط معلومات پھیلا رہے ہیں۔

-بھارت ایکسپریس