Nitish Kumar personal attack on Lalu Yadav: ایک بیٹے کی چاہت میں 9-9 بچے پیدا کرلئے، نتیش کمار نے لالو یادو پر ایک بار ذاتی تنقید کی

لوک سبھا انتخابات ہو رہے ہیں اور ملک کی حکومت بنانے کے لیے بہار میں لڑی جا رہی انتخابی جنگ میں پریوار واد کا مسئلہ حاوی دکھائی دے رہا ہے۔ حکمران نیشنل ڈیموکریٹک الائنس (این ڈی اے) کی قیادت کرنے والی بھارتیہ جنتا پارٹی (بی جے پی) ہو یا نتیش کمار کی قیادت والی جنتا دل یونائیٹڈ (جے ڈی یو) یا دیگر جماعتیں، لالو یادو اور ان کا خاندان سب کے نشانے پر ہیں۔ جمعہ کو وزیر اعلیٰ نتیش کمار نے سابق وزیر اعلیٰ لالو یادو  پر ذاتی حملہ کیا۔

 نتیش کمار نے لالو یادو کے بارے میں کہا کہ ذرا بتاؤ، کیا کوئی اتنے بچوں کو جنم دیتا ہے؟ ایک بیٹے کی خواہش میں انہوں نے نونو بچوں کو جنم دیا۔ انہوں نے کہا کہ ان کو (لالو یادو) بیٹا پیدا نہیں ہورہا تھا اس لئے انہوں نے نونو کو جنم دےدیا۔ اور اس کے بعد اب وہ اسے لیڈر بنانے کے لیے دن رات کوشش  کررہے ہیں۔ بہار کے وزیر اعلیٰ نتیش کمار نے خاندان پرستی پر لالو پر حملہ کرتے ہوئے کہا کہ ہم بھی سیاست میں ہیں لیکن ہم نے کبھی اپنے خاندان کو آگے نہیں بڑھایا۔ انہوں نے مزید کہا کہ انہیں (لالو یادو) کو دیکھو، وہ کس طرح اپنے خاندان کے لیے پریشان رہتے ہیں۔نتیش کمار نے یہ بیان بہار کے موتیہاری میں دیا ہے۔ قابل ذکر ہے کہ پریوار واد کے معاملے پر بی جے پی لیڈر لالو یادو اور اپوزیشن انڈیا بلاک پر بھی حملہ آور ہیں۔ حال ہی میں وزیر اعظم نریندر مودی نے بھی حاجی پور میں انتخابی ریلی میں آر جے ڈی اور کانگریس پر حملہ کرتے ہوئے کہا تھا کہ وہ اپنے بیٹوں کو کھڑا کرنے کی فکر میں ہیں، وہ آپ کے بچوں کی فکر کیوں کریں گے۔

قابل ذکر ہے کہ نتیش کمار ایک دن پہلے دو دن کے وقفے کے بعد سرگرم ہوئے تھے۔ نتیش کمار کو 14 مئی کو وزیر اعظم نریندر مودی کی نامزدگی میں شرکت کے لیے وارانسی جانا تھا لیکن ان کی طبیعت بگڑ گئی۔ سی ایم نتیش کی طبیعت خراب ہونے کے بعد ان کے تمام پروگرام منسوخ کر دیے گئے۔ 14 اور 15 مئی کو وقفے کے بعد نتیش کمار 16 مئی سے دوبارہ سرگرم ہو گئے۔ ایک دن پہلے، سی ایم نتیش نے شیوہر میں جے ڈی یو امیدوار لولی آنند اور مشرقی چمپارن میں بی جے پی امیدوار رادھے موہن سنگھ کے لیے انتخابی ریلیوں سے خطاب کیا تھا۔

بھارت ایکسپریس۔