Nine Children die in Madhya Pradesh and Rajasthan after taken Cough Syrup: مدھیہ پردیش اور راجستھان میں کف سیرپ سے 9 بچوں کی موت،  حکومت نے اس کمپنی کی 19 ادویات پر عائد کی پابندی

حال ہی میں مدھیہ پردیش اور راجستھان میں کف سیرپ پینے سے 12 بچوں کی موت ہو گئی۔ ان بچوں میں سے زیادہ تر کا تعلق مدھیہ پردیش کے چھندواڑہ ضلع سے تھا۔ کف سیرپ کو اموات کی وجہ بتایا جا رہا ہے۔ اس حادثہ کے بعد ملک بھر میں کف سیرپ سے متعلق خوف کا ماحول بن گیا۔

راجستھان حکومت کا سخت ایکشن

راجستھان حکومت نے جے پور میں قائم کیسنز فارما کی تمام 19 ادویات کی تقسیم اور پیداوار پر پابندی لگا دی ہے۔ وزیر صحت گجیندر سنگھ کھینونسر نے غیر معیاری ادویات اور بچوں کی اموات کی تحقیقات کے احکامات جاری کئے ہیں۔  وہیں ریاستی ڈرگ کنٹرولر راجا رام شرما کو معطل کر دیا گیا ہے۔ مدھیہ پردیش کی موہن شرما حکومت نے کولڈ رِف کف سیرپ کی فروخت پر پابندی لگا دی ہے۔ مزید یہ کہ  اس کمپنی کی تیار کردہ دیگر ادویات پر بھی پابندی عائد کر دی گئی ہے۔

پروڈکشن اور تقسیم پر پابندی

راجستھان کے میڈیکل اینڈ ہیلتھ ڈپارٹمنٹ نے اطلاع دی ہے کہ پچھلے مہینے مدھیہ پردیش کے چھندواڑہ میں 9 بچے اور راجستھان کے جے پور میں تین بچوں کی کف سیرپ کی وجہ سےموت ہو گئی۔  تحقیقات سے معلوم ہوا کہ ادویات کا معیار ناقص تھا۔ محکمہ نے پابندی عائد کر دی ہے اور پروڈکشن اور تقسیم دونوں پر پابندی عائد کر دی ہے۔

بچوں کے لیے ایڈوائزری جاری

حکومت نے بچوں کی تحفظ کے لیے ایڈوائزری بھی جاری کی ہے۔ اس میں کہا گیا ہے  ڈیکسٹرومیتھور فن پر مشتمل ادویات 4 سال سے کم  عمر کے بچوں کو نہیں دی جانی چاہئیں۔ یہ دوا صرف 5 سال اور اس سے زیادہ عمر کے بچوں کے لیے محفوظ ہے۔ جے پور میں واقع کیسنز فارما کے ذریعہ تیار کردہ ادویات کے 10 ہزار 119 نمونوں کی جانچ کی گئی۔ ان میں سے 42 نمونے غیر معیاری پائے گئے۔ جس کے بعد محکمہ نے اس کمپنی کی تیار کردہ تمام 19 اقسام کی ادویات کی سپلائی پر پابندی لگا دی۔

بھارت ایکسپریس اردو۔