New Delhi: پارلیمنٹ کے سرمائی اجلاس کے لیے حکومت کی طرف سے بلایا گیا کل جماعتی اجلاس شروع

New Delhi: پارلیمنٹ کے سرمائی اجلاس کو خوش اسلوبی سے چلانے کے لئے حکومت کی طرف سے بلائی گئی کل جماعتی میٹنگ شروع ہو گئی ہے۔ حکومت کی جانب سے مرکزی وزیر دفاع راج ناتھ سنگھ، پارلیمانی امور کے وزیر پرہلاد جوشی، مرکزی وزیر پیوش گوئل، ارجن رام میگھوال، وی مرلیدھرن پارلیمنٹ ہاؤس کے احاطے میں جاری آل پارٹی میٹنگ میں شرکت کر رہے ہیں۔

دیگر سیاسی جماعتوں میں کانگریس سے ادھیر رنجن چودھری، ترنمول کانگریس سے سدیپ بندھوپادھیائے اور ڈیرک اوبرائن، عام آدمی پارٹی سے سنجے سنگھ، جنتا دل یونائیٹڈ سے رام ناتھ ٹھاکر، بیجو جنتا دل سے پناکی مشرا، اکالی دل سے ہرسمرت کور بادل اور نیشنل کانفرنس سے  فاروق عبداللہ کے علاوہ کئی دیگر سیاسی جماعتوں کے فلور لیڈر بھی موجود ہیں۔

بتایا جا رہا ہے کہ کل جماعتی اجلاس کے دوران تمام سیاسی جماعتوں کو قانون سازی کے ایجنڈے کی معلومات دینے کے ساتھ ساتھ اجلاس کے دوران دونوں ایوانوں کی کارروائی کو خوش اسلوبی سے چلانے کے لئے ان سے تعاون بھی طلب کیا جائے گا۔ اس کے ساتھ ساتھ اجلاس کے دوران اپوزیشن سیاسی جماعتیں بھی اپنا ایجنڈا حکومت کے سامنے رکھ سکتی ہیں جس پر وہ اجلاس کے دوران بحث کرنا چاہتی ہیں۔

-بھارت ایکسپریس