MP Election 2023: ”میں کانگریس کے لیے کالا کوا ہوں“، کمل ناتھ نے جیوترادتیہ کے بیان پر کیا جوابی حملہ

مدھیہ پردیش اسمبلی انتخابات کی مہم زور و شور سے جاری ہے۔ جس میں لیڈران ایک دوسرے پر شدید حملے کرتے نظر آ رہے ہیں۔ اسی سلسلے میں بی جے پی ایم پی جیوترادتیہ سندھیا نے کانگریس کو نشانہ بنایا ہے۔ سندھیا ایک جلسہ عام سے خطاب کرنے اشوک نگر ضلع کے منگاوالی اسمبلی حلقہ پہنچے تھے۔ جہاں انہوں نے کہا کہ کانگریس نے کسانوں کے قرض معافی کے 26 لاکھ فرضی سرٹیفکیٹ تقسیم کیے، ان میں سے کچھ مجھے بھی تقسیم کیے گئے۔ اسی لیے ایک پرانی کہاوت ہے کہ ‘جھوٹ بولے کوا کاٹے’، اس لیے میں کانگریس کے لیے کالا کوا ہوں۔

سندھیا نے کانگریس پر کیا حملہ

ریلی سے خطاب کرتے ہوئے جیوتی رادتیہ سندھیا نے کہا کہ اگر آپ بی جے پی کی ترقی دیکھنا چاہتے ہیں تو منگاولی کو دیکھیں، جہاں بنیادی ڈھانچے کی ترقی میں بے مثال پیش رفت کا ثبوت ہے۔ جبکہ کانگریس کے دور میں ایسا بالکل نہیں تھا۔ یہاں کے لوگ ترستے تھے۔ روزگار، تعلیم، علاج، سڑک اور پانی کے لیے گھر گھر بھٹکتے تھے۔ نہ بجلی تھی، نہ اسکول نہ ریلوے، سب کچھ خدا پر منحصر تھا۔ اب یہ سب پرانی باتیں ہیں۔ تاریخ میں یہ سب کچھ بدل گیا ہے۔ بی جے پی نے پورے علاقے اور اس کے لوگوں کی زندگی بدل دی ہے۔ جس کی خوشی ہر کسی کے چہرے پر عیاں ہے۔

کانگریس کے دور میں ترقی سست تھی: سندھیا

کانگریس پر حملہ کرتے ہوئے جیوترادتیہ سندھیا نے کہا کہ کانگریس کے دور میں ترقی پیدل چل چل کر اوندھے منہ گرتی تھی۔ اس کی وجہ یہ تھی کہ سڑکیں گڈھوں میں ڈھونڈنی پڑتی تھیں اور بجلی نہیں تھی۔ اس لیے کسان وقت پر فصلوں کی بوائی نہیں کر پا رہے تھے۔ اگر کسی طرح بوائی بھی ہو جائے تو فصلوں کو سیراب کرنے میں بہت مسئلے تھے۔ پہلے کسان دن میں بوائی کرتے تھے اور رات کو آبپاشی کرتے تھے۔ شاہڈھورہ کے نوجوان نہیں جانتے کہ 2003 سے پہلے کی صورتحال کتنی شرمناک تھی۔ کیونکہ آج مدھیہ پردیش میں بی جے پی کی حکومت ہے۔ ترقی ہوئی ہے۔ ریاست میں ترقی کی ٹرین تیزی سے دوڑ رہی ہے۔ عوام بھی اس کو برقرار رکھنے کے لیے پرعزم ہے۔

سندھیا نے کانگریس حکومت کا فائدہ اٹھایا: کمل ناتھ

کمل ناتھ نے سندھیا کے بیان پر کہا کہ “سندیا جانتے ہیں کہ انہوں نے کیا بڑا سودا کیا ہے۔ کانگریس حکومت میں رہتے ہوئے انہیں کتنا فائدہ ہوا؟ عوام بھی اس کی گواہ ہے۔ کالے کوے کے بیان پر کمل ناتھ نے کہا کہ وہ چاہے (سندیا) کالے ہوں یا پیلے ہوں، مجھے اس پر کچھ بھی نہیں کہنا ہے۔

بھارت ایکسپریس۔