قومی

Modi Govt Pushes Solar Self-Reliance: ہندوستان کی قابل تجدید توانائی کی صلاحیت 251.5 گیگاواٹ تک جا پہنچی، دیسی سولر ویلیو چین بڑھانے پر ہے مودی حکومت کی توجہ

بھارت کی قابل تجدید توانائی (Renewable Energy) کی مجموعی نصب شدہ صلاحیت بڑھ کر 251.5 گیگا واٹ ہو گئی ہے، جو سال 2030 تک مقرر کردہ 500 گیگا واٹ کے ہدف کا آدھے سے بھی زیادہ ہے۔ اس کا اعلان مرکزی وزیر برائے نئی و قابل تجدید توانائی پرہلاد جوشی نے جمعرات کو نئی دہلی میں منعقدہ ’’ریاستی جائزہ اجلاس برائے قابل تجدید توانائی‘‘ کے دوران کیا۔

بھارت سولر ویلیو چین میں خودکفالت کی راہ پر

جوشی نے کہا کہ حکومت 2028 تک مکمل طور پر دیسی سولر ویلیو چین بنانے کے ہدف کے ساتھ تیزی سے آگے بڑھ رہی ہے۔ ملک اب صرف سولر ماڈیولز ہی نہیں بلکہ ویفرز اور اِنگاٹس (ingots) کی مقامی پیداوار کی طرف بھی قدم بڑھا رہا ہے، تاکہ پورا سولر مینوفیکچرنگ ایکو سسٹم ملک کے اندر ہی تیار کیا جا سکے۔ انھوں نے زور دیا کہ اس اقدام سے نہ صرف درآمدات پر انحصار کم ہوگا بلکہ روزگار کے مواقع پیدا ہوں گے، سرمایہ کاری بڑھے گی اور بھارت کو صاف توانائی کے میدان میں ایک عالمی رہنما کی حیثیت حاصل ہوگی۔

ریاستوں کے کردار کی تعریف، ٹیرف میں شفافیت کی ہدایت

مرکزی وزیر نے بھارت کی قابل تجدید توانائی میں پیش رفت کو وزیر اعظم نریندر مودی کی قیادت کا ثمر قرار دیا اور کہا کہ ریاستیں بھی اس شعبے میں اہم کردار ادا کر رہی ہیں۔ انھوں نے ریاستوں اور بجلی تقسیم کار کمپنیوں (DISCOMs) سے کہا کہ بروقت معاہدے مکمل کیے جائیں، معیاری نظام نافذ کیا جائے اور صارفین کو بہترین ٹیرف کریڈٹ دیا جائے۔ انھوں نے بتایا کہ اب تک تقریباً 20 لاکھ خاندان ’’پردھان منتری سوریہ گھر مفت بجلی یوجنا‘‘ سے مستفید ہو چکے ہیں۔

پی ایم-کُسُم اسکیم کا دوسرا مرحلہ 2026 سے ہوگا شروع

جوشی نے کہا کہ ابتدا میں کچھ ہچکچاہٹ کے بعد اب ریاستوں کے وزرائے اعلیٰ خود PM-KUSUM اسکیم کے تحت اضافی الاٹمنٹ مانگ رہے ہیں، جو اس اسکیم کی مقبولیت اور رفتار کا مظہر ہے۔ انھوں نے اعلان کیا کہ موجودہ مرحلہ مکمل ہونے کے بعد مارچ 2026 سے دوسرا مرحلہ شروع کیا جائے گا۔ مرکزی وزیر نے یہ بھی بتایا کہ بھارت نے اپنے مقررہ وقت سے پانچ سال پہلے ہی غیر فوسل ایندھن سے 50 فیصد بجلی پیدا کرنے کا ہدف حاصل کر لیا ہے، جو عالمی سطح پر ایک بڑی کامیابی ہے۔

بھارت ایکسپریس اردو

Bharat Express

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

5 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago