MNS Leaders beat up a Shopkeeper: ’’مہاراشٹرمیں رہنا ہے تو مراٹھی بولو…‘‘ ایم این ایس لیڈران نے دکاندارکوپیٹا

مہاراشٹرمیں زبان سے متعلق تنازعہ اب ریاست کے باہرسے آئے ہوئے عام لوگوں کے روزمرہ کی زندگی پراثرڈال رہا ہے۔ مہاراشٹرکے میرا بھایندرعلاقے میں مہاراشٹرنونرمان سینا (ایم این ایس) کے لیڈران اورکارکنان کا ایک ویڈیوسوشل میڈیا پروائرل ہورہا ہے۔ اس میں ایم این ایس کے کچھ لوگ مراٹھی نہ بولنے کی وجہ سے دکاندارکے ساتھ مارپیٹ کرتے ہوئے دکھائی دے رہے ہیں۔ دکاندارنے معاملے کی جانکاری میرا روڈ کے کاشی میرا پولیس اسٹیشن میں دی۔ ساتھ ہی ملزمین کے خلاف شکایت درج کرائی۔ دکاندارکو تھپڑ مارتے ہوئے ملزمین نے ویڈیوبھی بنایا، جوسوشل میڈیا پربہت تیزی سے وائرل ہورہا ہے۔

کیا ہے پورا معاملہ؟

دکاندارہی پہچان بابولال کھمجی چودھری (48) کے طورپرہوئی۔ بابولال نے پولیس کوبتایا کہ حادثہ گزشتہ منگل کی رات 10:30 بجے کے آس پاس کی ہے۔ کچھ لوگ دکان پرآئے اورپانی کی بوتل مانگی۔ جب دکان کے اتحادیوں نے ان سے ہندی میں بات کی تووہ مشتعل ہوگئے ساتھی ملازمین کوگالی دینے لگے۔ ساتھ ہی اسے مراٹھی میں بولنے کوکہنے لگے۔ ان میں دو لوگ میرے پاس آئے اورکہا کہ جوبھی یہاں کام کرے گا، اسے مراٹھی آنی چاہئے۔ دکاندارنے بتایا کہ سبھی کے کپڑوں پر مہاراشٹرنونرمان سینا (ایم این ایس) کے انتخابی نشان بنے ہوئے تھے۔

دکاندارکوایم این ایس کارکنان نے دی دھمکی