PM Modi on Bhai Dooj: پی ایم نریندر مودی نے بھائی دوج کے موقع پر ہم وطنوں کو مبارکباد پیش کی، یہ تہوار بھائی بہن کے پیار و اعتماد کی علامت ہے

پی ایم نریندر مودی نے جمعرات کے روز بھائی دوج کے موقع پر قوم کو مبارکباد پیش کی اور سب کے لیے خوشی، خوشحالی اور نیک تمناؤں کا اظہار کیا۔

سوشل میڈیا پلیٹ فارم ایکس پر اپنے پیغام میں پی ایم نریندر مودی  نے کہا، ’’بھائی دوج کے موقع پر آپ سب کو دل کی گہرائیوں سے مبارکباد۔ یہ تہوار جو بھائی اور بہن کے باہمی پیار اور اعتماد کی علامت ہے، سب کی زندگی میں خوشیاں، خوشحالی اور نیک قسمت لائے۔ میری پراتھنا ہے کہ یہ رشتہ مزید مضبوط ہو۔‘‘

پی ایم نریندر موی  کے علاوہ ہماچل پردیش کے وزیر اعلیٰ سکھوندر سنگھ سکھو نے بھی عوام کو بھائی دوج کی مبارکباد دیتے ہوئے کہا کہ یہ تہوار بھائی بہن کے اٹوٹ رشتے اور محبت کا مظہر ہے۔ انہوں نے کہا کہ اس دن بہنیں اپنے بھائیوں کو تلک لگاتی ہیں اور ان کی طویل عمر، خوشی اور خوشحالی کے لیے پراتھنا کرتی ہیں۔

وزیر اعلیٰ نے عوام سے اپیل کی کہ وہ خاندانوں میں محبت اور بھائی چارے کے جذبے کو مزید مضبوط کریں۔

بھائی دوج پورے بھارت میں مختلف ناموں سے منایا جاتا ہے۔ شمالی بھارت میں اسے بھائی دوج، بھاؤ بیج یا بھائی بیج کے نا م سے جانا  جاتا ہے، جب کہ مہاراشٹر میں اسے بھائی ٹیکا، بنگال میں اسے بھائی فونٹا کے نام سے جانا جاتا ہے اور جنوبی ریاستوں خاص طور پر کرناٹک اور تلنگانہ میں یما دویتیہ کے طور پر منایا جاتا ہے۔

قدیم کتھاؤں کے مطابق، یمراج کی بہن جمنا نے شکایت کی کہ اس کا بھائی کبھی اس کے گھر نہیں آیا۔ ایک دن، کارتک شکلا دوتیہ پر یمراج اپنی بہن جمنا کے گھر گئے۔ جمنابھائی کو دیکھ کر خوش ہوئی۔ اس نے یمراج کو تلک لگایا، اس کے ساتھ بہت محبت سے پیش آئی، اور بھائی کو کھانا پیش کیا۔ یمراج  بہت خوش ہوئے۔ انہوں نے جمنا سے وردان مانگنے کو کہا۔ تو انہوں نے کہا کہ جو بھی بھائی اس دن اپنی بہن کے گھر جائے گا وہ یمراج سے نہیں ڈرے گا۔ یامراج نے پھر جواب دیا کہ کوئی بھی بھائی جو دوتیہ پر اپنی بہن کے گھر جائے گا اسے یم کا خوف نہیں ہوگا۔ تب سے بھائی دوج پر تمام بھائی اپنی بہنوں کے گھر جاتے ہیں اور ان سے تلک لگاتے ہیں ۔بھائی دوج، جو کہ رکشا بندھن کی طرح ہے، بھائی بہن کے ابدی رشتے اور محبت کے جذبے کو منانے کا دن ہے۔

بھائی دوج، جو کہ رکشا بندھن کی طرح ہے، بھائی بہن کے ابدی رشتے اور محبت کے جذبے کو منانے کا دن ہے۔

بھارت ایکسپریس اردو