Jammu and Kashmir: کئی ہاؤس بوٹس جل کر راکھ، ڈل جھیل کی ویڈیو سوشل میڈیا پر وائرل

Jammu and Kashmir: جموں و کشمیر میں سری نگر کی ڈل جھیل میں کل رات زبردست آگ لگنے سے کئی ہاؤس بوٹ  جل کر خاک وہ  گئیں۔ فی الحال آگ کیسے لگی اس کی وجہ معلوم نہیں ہو سکی۔ معلومات کے مطابق یہ واقعہ ہفتہ کی صبح پیش آیا۔

ڈل جھیل میں زبردست آگ لگنے کے بعد کئی ٹیمیں موقع پر پہنچ گئیں۔ اسی دوران حکام نے بتایا کہ پیئر نمبر 9 کے قریب ایک ہاؤس بوٹ میں آگ لگ گئی اور اس سے پہلے کہ آگ پر قابو پایا جاتا۔اس نے آس پاس کی کئی دیگر ہاؤس بوٹس کو اپنی لپیٹ میں لے لیا۔ جانکاری کے مطابق اس واقعہ میں کروڑوں روپے کی املاک کا نقصان ہوا ہے۔ ابتدائی اطلاعات کے مطابق آگ لگنے سے کم از کم نصف درجن ہاؤس بوٹس جل کر خاک ہوگئی ہیں۔ حکام نے بتایا کہ پولیس نے مقدمہ درج کر لیا ہے اور آگ لگنے کی وجہ کی جانچ کی جا رہی ہے۔

آگ اتنی شدید تھی کہ اس کے شعلے دور سے دیکھے جا سکتے تھے۔ حکام کا کہنا ہے کہ اس دوران تمام سیاحوں کو بحفاظت باہر نکال لیا گیا۔

بھارت ایکسپریس