Mallikarjun Kharge On Amit Shah Remark: اگر امبیڈکر سے پی ایم مودی کو تھوڑی سی بھی محبت ہے تو امت شاہ کو آج رات 12 بجے سے پہلے برخاست کرے:کھرگے

بی آر امبیڈکر پر پارلیمنٹ میں مرکزی وزیر داخلہ امت شاہ کے بیان پر ملک میں سیاست گرم ہو گئی ہے۔ اس دوران کانگریس کے قومی صدر ملکارجن کھرگے نے کہا کہ امت شاہ نے بابا صاحب کی توہین کی ہے۔ انہوں نے کہاکہ آئین کو لے کر پارلیمنٹ میں بحث ہوئی، لیکن کل امت شاہ نے بابا صاحب کے بارے میں ایک بہت ہی افسوسناک بات کہی، بابا صاحب کو ہر کوئی مانتا ہے اور امت شاہ نے ان کی توہین کی ہے۔ بی جے پی آئین کو نہیں مانتی، یہ لوگ منو سمرتی کو مانتے ہیں۔

وزیر داخلہ امت شاہ کی تقریر کے متنازعہ حصے کا ویڈیو  پر بات کرتے ہوئے  کانگریس کے قومی صدر نے کہاکہ یہ بدقسمتی کی بات ہے کہ ملک کے دلت ہیرو کے خلاف توہین آمیز بیان دیا گیا، جس کی ہر کوئی عزت کرتا ہے۔انہوں نے یہ سوال کرتے ہوئے اپوزیشن کا مذاق اڑایا کہ کیاامبیڈکر ،امبیڈکر کہتے ہو؟ اگر آپ نے  اتنی بار بھگوان کا نام لیا ہوتا تو سات جنم  کیلئے سورگ مل جاتا۔

کانگریس لیڈر کھرگے نے کہا کہ اگر پی ایم مودی کو  امبیڈکر جی سے محبت ہے، تو امت شاہ کو آج رات 12 بجے تک ہٹا دینا چاہئے، جو شخص آئین پر حلف لینے کے بعد ایوان میں آتا ہے۔وہ وزیر بن جاتا ہے۔ اگر وہ  آئین کی توہین کرے تو اسے کابینہ میں رہنے کا کوئی حق نہیں، ایسے لوگوں کو فوری طور پر برطرف کیا جائے، تب ہی اس ملک کے لوگ پرامن رہیں گے، ورنہ ہر جگہ بابا صاحب کے لیے نعرے لگائیں گے۔لوگ اپنی جان دینے کیلئے بھی تیار ہیں ۔ملکارجن کھرگے نے بھی کانگریس پر آئین پر حملہ کرنے کے بی جے پی کے الزامات کا جواب دیا ہے۔ انہوں نے کہاکہ بی جے پی یہ کانگریس کو بدنام کرنے، نہرو اور گاندھی خاندان کو بدنام کرنے کے لیے کہہ رہی ہے۔

بھارت ایکسپریس۔