CM Kejriwal: ایل جی صاحب، ہماری دہلی میں کیا ہو رہا ہے؟،سی ایم کیجریوال نے ساکیت کورٹ فائرنگ پر کہی یہ اہم  بات

CM Kejriwal: دہلی کے ساکیت کورٹ میں جمعہ کی صبح وکیل کے لباس میں ملبوس ایک شخص نے اپنی ہی بیوی پر گولی چلا دی۔قابل ذکر بات یہ ے کہ   بتایا جا رہا ہے کہ ملزم نے خاتون پر 5 گولیاں چلائیں جن میں سے 4 گولیاں خاتون کو لگیں۔ فی الحال خاتون کی حالت تشویشناک بتائی جاتی ہے۔ موصولہ اطلاعات کے مطابق ملزم ایک معطل وکیل ہے اور جس خاتون کو گولی ماری گئی وہ اس کی بیوی ہے۔ دونوں کے درمیان پہلے سے جھگڑا تھا جس کی وجہ سے اس نے بیوی کو گولی مار دی۔ فی الحال ملزم گرفتار نہیں ہوسکا ہے۔ پولس معاملے کی تحقیقات کر رہی ہے۔

اب اس معاملے میں دہلی کے سی ایم کیجریوال نے اپنا ردعمل دیتے ہوئے ریاست کے لاء اینڈ آرڈر پر سوال اٹھائے ہیں۔ اس کے ساتھ ہی کیجریوال نے ایک اور ٹویٹ کے ذریعے ایل جی کو نشانہ بناتے ہوئے یہ سوال بھی پوچھا ہے۔

کجریوال نے ٹویٹر پرلکھا، دہلی میں لاء اینڈ آرڈر پوری طرح سے ٹوٹ چکا ہے۔ دوسروں کے کاموں میں رکاوٹیں ڈالنے اور ہر بات پر گندی سیاست کرنے کے بجائے سب کو اپنے کام پر توجہ دینی چاہیے اور اگر وہ سنبھال نہیں سکتے تو مستعفی ہو جائیں تاکہ کوئی اور کام کر سکے۔ لوگوں کی حفاظت کو رام کے بھروسے پر نہیں چھوڑا جا سکتا۔

وزیراعلیٰ نے ایل جی سے پوچھا سوال

سی ایم کیجریوال نے دہلی کے ایل جی ونے سکسینہ کو نشانہ بناتے ہوئے یہ سوال پوچھا ہے۔ وزیر اعلیٰ نے اپنے ٹویٹر پر لکھا، ایل جی صاحب، ہماری دہلی میں کیا ہو رہا ہے؟
’’وکلاء کو بھی چیک کیا جائے‘‘

ساتھ ہی پولیس اس بات کی بھی تفتیش کر رہی ہے کہ ملزمان اسلحہ کے ساتھ عدالت کے اندر کیسے پہنچے، جب کہ داخلی گیٹ پر سکینر سے ہر کسی کو چیک کیا جا رہا ہے۔ اس حادثے کے عینی شاہد گووند نے بتایا کہ حادثے کے وقت خاتون کو تقریباً 3 سے 4 فٹ کی دوری سے گولی لگی تھی۔ ساتھ ہی ساکیت بار کے رکن ایڈوکیٹ امیہ کا کہنا ہے کہ سیکورٹی چیک بڑھانا چاہیے۔ وکلاء کو بھی چیک کیا جائے۔