نئی دہلی: دہلی اسٹیٹ حج کمیٹی سے جاری پریس بیان کے مطابق، مقدس سفر حج 2024 کو بہتر سے بہتر سہولیات کے ساتھ انجام دینے اور سفر حج کے دوران حاجیوں کی مدد کے لئے خادم الحجاج کے انتخاب کے لئے دہلی اسٹیٹ حج کمیٹی کی چیرپرسن کوثر جہاں کی صدارت میں ایک خصوصی میٹنگ کا انعقاد کیا گیا۔ اس میٹنگ میں دہلی اسٹیٹ حج کمیٹی کے ممبران، اسمبلی کوٹے سے منتخب عام آدمی پارٹی کے ممبران اسمبلی عبدالرحمٰن اور حاجی یونس، کونسلر نازیہ دانش و اسلامک اسکالر محمد سعد بھی موجود تھے۔
آج کی میٹنگ کے ایجنڈے میں خاص طور سے عازمین حج 2024کے لئے دہلی اسٹیٹ سے سعودی عرب کے مقدس شہروں مکہ و مدینہ جانے والے دہلی کے حاجیوں کی مدد کے لئے مدد گار یعنی خادم الحجاج کا انتخاب کرنا تھا۔ آج کی اس میٹنگ میں کُل 11 سرکاری ملازمین کا انتخاب عمل میں آیا جوکہ حاجیو ں کے ساتھ سعودی عرب جائیں گے۔ قابل ذکرہے کہ وزارت اقلیتی امور، حکومت ہند کی ہدایت کے مطابق، ہرسال اسی طرح کے سرکاری عملے کوایک طے شدہ اُصول کے مطابق منتخب کیا جاتا ہے، اس سال 11 لوگوں کے علاوہ 2 سرکاری ملازمین کو ویٹنگ لسٹ میں بھی رکھا گیا ہے، جن کا انتخاب آگے آنے والی سیٹوں کے بعد کیا جائے گا۔
-بھارت ایکسپریس
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…
اڈانی ایئرپورٹس کے ڈائریکٹر جیت اڈانی نے ممبئی ایئرپورٹ کے ٹرمینل 1 کی ازسرنو تعمیر…
مغربی بنگال سے ایک حیران کن خبر سامنے آئی ہے۔ ترنمول کانگریس (ممتا دھڑے) نے…
دہلی میں اپوزیشن لیڈروں کی میٹنگ کے بعد راہل گاندھی نے کہا کہ جمہوریت اور…