Karnataka Job Quota Row: کرناٹک کی حکومت نے اپنے ہی بل کو چند گھنٹوں کے اندر واپس لے لیا، جانئے نوکری میں ریزرویشن سے متعلق اس بل کا سچ

کرناٹک کی سدارامیا حکومت کی کابینہ نے بدھ (17 جولائی) کو نجی شعبے میں مقامی لوگوں کو ریزرویشن دینے کے فیصلے کو روک دیا ہے۔ اس تجویز کے پاس ہونے کے چند گھنٹوں کے اندر ہی اس پر تنازعہ شروع ہو گیا۔ کئی صنعتکاروں نے حکومت کے اس فیصلے پر کڑی تنقید کی۔ اس بل کی تنقید کے بعد ریاستی صنعت کے وزیر ایم بی پاٹل نے کہا کہ بل کے پاس ہونے سے پہلے تمام الجھنیں دور ہو جائیں گی۔حالانکہ کرناٹک حکومت نے فی الحال مقامی لوگوں کے لیے ریزرویشن کو لازمی قرار دینے کے بل کو ملتوی کر دیا ہے۔ اس بل کے تحت نجی صنعتوں، فیکٹریوں اور دیگر اداروں میں انتظامی عہدوں پر مقامی لوگوں کو 50 فیصد اور غیر انتظامی عہدوں پر 75 فیصد ریزرویشن دینے کا بندوبست ہے۔

حکومت اس بل پر نظر ثانی کرے گی

کرناٹک ایمپلائمنٹ بل کو لے کر ہر طرف تنازع کے بعد کرناٹک حکومت نے اس بل کو فی الحال روک دینے کا فیصلہ کیا ہے۔ اب حکومت آگے بڑھنے سے پہلے اس معاملے پر دوبارہ غور کرے گی اور سوچے گی۔ اس سے قبل کمپنیوں نے حکومت پر الزام لگایا تھا کہ انہیں اندھیرے میں رکھا گیا اور کابینہ نے ان کی مشاورت کے بغیر یہ بل پاس کیا۔ جیسے ہی یہ بل سامنے آیا، دوسری جنوبی ریاستوں سے کمپنیوں کو دعوت نامے آنے لگے۔

یہ بل آئین کے آرٹیکل 19 کے تحت امتیازی سلوک کرتا ہے – موہن داس پائی

 وہیں دوسری جانب  انفوسس کے سابق سی ایف او موہن داس پائی نے حکومت کے اس فیصلے کو ‘غیر آئینی’، ‘غیر ضروری’ اور یہاں تک کہ ‘فسطائی’ قرار دیا۔ خبر رساں ایجنسی پی ٹی آئی سے بات کرتے ہوئے انہوں نے کہا کہ یہ بل غیر آئینی ہے۔ کیونکہ یہ آئین کے آرٹیکل 19 کے تحت امتیازی سلوک کرتا ہے۔ انہوں نے بتایا کہ ہریانہ حکومت نے بھی ایسا ہی کچھ کرنے کی کوشش کی تھی لیکن ہائی کورٹ نے اسے مسترد کر دیا تھا۔

دوسرا، مقامی کی تعریف کو دیکھیں۔ مقامی وہ ہے جو یہاں پیدا ہوا ہو، یہاں 15 سال سے رہ رہا ہو اور کنڑ بول، پڑھ اور لکھ سکتا ہو۔ اس کا ثبوت سکول کے سرٹیفکیٹ سے ملتا ہے۔ اگر میرے پاس یہ نہیں ہے اور میں نوکری کے لیے درخواست دیتا ہوں۔ مجھے مقامی نہیں سمجھا جائے گا۔پھر کیسے ہوگا۔

بھارت ایکسپریس۔