Governor of Karnataka meets PM Modi: کرناٹک کی گورنر ڈاکٹر سدھا یادو نے صدر مرمو اور وزیر اعظم نریندر مودی سے کی ملاقات

12 اکتوبر کو کرناٹک کی گورنر مقرر ہوئی تھیں

بتا دیں کہ گورنر کا عہدہ سنبھالنے کے بعد وزیر اعظم سے یہ ان کی پہلی رسمی ملاقات تھی۔ ڈاکٹر سدھا یادو کو 12 اکتوبر 2026 کو صدر دروپدی مرمو نے کرناٹک کا گورنر مقرر کیا تھا۔ انہوں نے 16 اکتوبر کو کرناٹک کے گورنر کی حیثیت سے حلف لیا اور عہدہ سنبھالا۔ اس کے بعد دہلی کا یہ ان کا پہلا سرکاری دورہ تھا۔

Governor of Karnataka, Dr. Sudha Yadav met Prime Minister @narendramodi. https://t.co/IOXKv3NF6z

— PMO India (@PMOIndia) October 29, 2026

مہندر گڑھ سے سابق رکن پارلیمنٹ رہی ہیں ڈاکٹر سدھا یادو

ڈاکٹر سدھا یادو ہریانہ کے مہندر گڑھ سے سابق رکن پارلیمنٹ رہی ہیں۔ انہوں نے 1999 کے لوک سبھا انتخابات میں کامیابی حاصل کی تھی اور 2004 تک مہندر گڑھ کی نمائندگی کی۔ انہوں نے روڑکی یونیورسٹی، جو اب انڈین انسٹی ٹیوٹ آف ٹیکنالوجی (آئی آئی ٹی) روڑکی ہے، سے کیمسٹری میں ڈاکٹریٹ کی ڈگری حاصل کی ہے۔ انہوں نے اپنے شوہر سکھبیر سنگھ یادو کی موت کے بعد سیاست میں قدم رکھا تھا۔ ان کے شوہر بارڈر سکیورٹی فورس (بی ایس ایف) میں ڈپٹی کمانڈ آفیسر تھے اور 1999 کی کارگل جنگ کے دوران شہید ہوگئے تھے۔ بعد میں انہوں نے بھارتیہ جنتا پارٹی (بی جے پی) میں کئی اہم ذمہ داریاں نبھائیں۔ وہ بی جے پی کی قومی سکریٹری کے طور پر کام کر چکی ہیں اور پارٹی کے دیگر پسماندہ طبقات (او بی سی) مورچہ کی قیادت بھی کر چکی ہیں۔

قومی پسماندہ طبقات کمیشن کی رکن بھی رہ چکی ہیں

ڈاکٹر سدھا یادو 2019 سے 2022 تک قومی پسماندہ طبقات کمیشن (این سی بی سی) کی رکن بھی رہی ہیں۔ اگست 2022 میں وہ بی جے پی کے پارلیمانی بورڈ کی رکن بنیں، جو پارٹی کا اعلیٰ ترین فیصلہ ساز ادارہ ہے۔

بھارت ایکسپریس اردو۔