Omar Abdullah on Trump-Munir Lunch: ’’امریکہ صرف اپنا فائدہ دیکھتا ہے…‘‘ ڈونالڈ ٹرمپ-عاصم منیر کے لنچ پر عمرعبداللہ کا بڑا بیان

وزیراعلیٰ عمرعبداللہ نے مزید کہا، امریکہ کے صدراپنی مرضی کے مالک ہیں۔ کیا ہم انہیں بتاسکتے ہیں کہ انہیں کسے لنچ پرمدعو کرنا چاہئے اورکسے نہیں؟ یہ ایک الگ موضوع ہے کہ ہم سوچتے تھے کہ امریکی صدرہمارے بہت خاص دوست ہیں اور وہ ہماری دوستی کی عزت کریں گے۔ امریکہ وہی کرتا ہے، جس میں اس کواپنا فائدہ لگتا ہے۔ وہ کسی اورملک کی فکرنہیں کرتے۔ انہوں نے اپنے والد فاروق عبداللہ کے ساتھ حال ہی میں لانچ ہوئی وندے بھارت ٹرین سے جموں گئے تھے۔ ٹرین سے اترنے کے بعد وزیراعلیٰ نے امریکہ سے متعلق بیان دیا۔

ایران-اسرائیل جنگ پرکیا کہا؟

وزیراعلیٰ عمرعبداللہ سے ایران-اسرائیل جنگ سے متعلق سوال پوچھے گئے۔ انہوں نے کہا، جنگ رکنی چاہئے اور دونوں ممالک کے درمیان جو بھی تنازعہ ہے، اس کا بات چیت سے حل کرنا چاہئے۔ وزیراعلیٰ نے کہا کہ یہ بمباری شروع نہیں ہونی چاہئے تھی۔ اس سے پہلے جب امریکی خفیہ انچارج سے پوچھا گیا تھا کہ کیا ایران کے پاس ایٹم بم ہے، توانہوں نے کہا تھا کہ انہیں نہیں لگتا کہ ایران لمبے وقت تک بم بنا سکتا ہے۔ تاہم اسرائیل نے کچھ ماہ کے اندرہی ایران پر حملہ کردیا۔ یہ حملہ رکنا چاہئے اور بات چیت کے ذریعہ موضوع حل ہونے چاہئے۔

حالانکہ جموں وکشمیرکے ایران میں پڑھنے والے طلبا کوہندوستان لانے سے متعلق انہوں نے کہا کہ سبھی دھیرے دھیرے گھرواپس آرہے ہیں۔ انہوں نے مزید کہا کہ ہم سبھی کوایک ہی رات میں ایک ساتھ واپس نہیں لاسکتے ہیں۔ ایئرپورٹ اورپورٹ بند ہیں۔ ہم انہیں پہلے روڈ سے آرمینیا لے کرآئے، پھرانہیں آرمینیا سے ہندوستان لایا گیا۔ ہمیں امید ہے کہ آج 300 سے 400 طلبا ہندوستان واپس آرہے ہیں۔ ان میں سے بیشترجموں وکشمیرسے ہیں۔ ان سبھی کو ہم محفوظ ہندوستان واپس لائیں گے۔