Jaya Verma Sinha: جیہ ورما سنہا ہوں گی انڈین ریلوے بورڈ کی چیئرمین، یہ عہدہ حاصل کرنے والی پہلی خاتون، جانئےکب سنبھالیں گی ذمہ داری

ہندوستانی ریلوے سے متعلق ایک بڑی خبر ہے۔ مودی حکومت میں پہلی بار ریلوے نے ایک خاتون افسر کو ریلوے بورڈ کی چیئرپرسن بنانے کا فیصلہ کیا ہے۔ جیا ورما سنہا ریلوے بورڈ کی چیئرپرسن ہوں گی۔ وہ انیل کمار لاہوتی کی جگہ لیں گی اور یکم ستمبر 2023 کو چارج سنبھالیں گی۔

بتا دیں کہ جیا ورما سنہا اس وقت ریلوے بورڈ میں آپریشنز اور بزنس ڈیولپمنٹ کی رکن ہیں۔ انہیں ریلوے بورڈ کا چیئرمین بنانے کا فیصلہ ایسے وقت میں لیا گیا ہے جب ریلوے بورڈ کے موجودہ چیئرمین انیل کمار لاہوتی کی میعاد مکمل ہونے کے قریب ہے۔ نئے چیئرمین کے انتخاب کے لیے ریلوے نے ترجیح کی بنیاد پر چار افراد کا پینل تیار کر لیا۔ اس پینل میں جیا ورما سنہا کو چیئرمین بنانے پر مودی حکومت نے تقریباً اپنی مہر لگائی ہے۔