Jashne Rekhta Grand Debut: جشن ریختہ کا شاندار آغاز، دھیان چند اسٹیڈیم میں ریختہ کے 8ویں ایڈیشن کی افتتاحی تقریب میں جاوید اختر کی شرکت

معروف نغمہ نگاراورشاعرجاوید اختر نے اپنے خطاب میں ریختہ اوربانی ریختہ کی خدمات کو قابل تحسین قراردیا۔ قابل ذکر ہے کہ جسشن ریختہ کے آٹھویں ایڈیشن میں 150 سے زیادہ فنکاروں کی موجودگی کے درمیان 4 اسٹیج سے 60 سے زائد پروگرام کا انعقاد عمل میں آئے گا، جس میں صف اول کے ادیب وشعرا کی شرکت ہوگی۔ قابل ذکرہے کہ جشن ریختہ کا اہتمام آج ہفتہ کے روزدھیان چند اسٹیڈیم میں کیا گیا ہے، جو 10 دسمبر تک جاری رہے گا۔ اطلاعات کے مطابق، اس بارپہلے کے مقابلے تھوڑی کم بھیڑ دیکھنے کو ملی کیونکہ ریختہ کی جانب سے اس بار ٹکٹ کا نظم کیا گیا ہے۔ یعنی پہلے کی طرح مفت انٹری نہیں ہے۔

افتتاحی تقریب کے بعد غزل، صوفی اور گلوکاری کے خصوصی شو نے پہلے دن چار چاند لگا دیئے۔ اس دوران گلوکار اور ڈائریکٹر وشال بھاردواج اور گلوکارہ ریکھا بھاردواج نے اپنے مشہور گیتوں جیسے کبیرہ وغیرہ سے سبھی ناظرین کا دل جیت لیا۔ جشن کے دوسرے دن جاوید اختر، وسیم بریلوی، انوراگ کشیپ، سدھیر مشرا، ورون گروور، سوانند کرکرے، استاد شجاعت خان، مظفرعلی، گیتانجلی رحمان عباس وغیرہ مشہور فنکاروں کی موجودگی میں قصہ گوئی، قوالی، مشاعرہ، کھلی نشست (اردو شاعری کا کھلا گھر)، میڈیا وغیرہ میں اردو کی موجودتی جیسے پروگرام پیش کئے جائیں گے۔