Janjatiya Gaurav Diwas: برسا منڈا کی تحریک ’الگلان‘ نے انگریزوں کی بنیادیں ہلا دیں، ’جن جاتیہ گورو دیوس‘ پر امت شاہ نے پیش کیا خراج عقیدت

نئی دہلی: ملک بھر میں آج ’جن جاتیہ گورو دیوس‘ منایا جا رہا ہے۔ اس خاص موقع پر مرکزی وزیر داخلہ امت شاہ نے عظیم مجاہد آزادی اور بے مثال بہادری و حب الوطنی کی علامت دھرتی آبا برسا منڈا کے یوم پیدائش پر انہیں خراج عقیدت پیش کیا اور ملک کے تمام شہریوں کو مبارک باد دی۔ وزیر داخلہ نے سوشل میڈیا پلیٹ فارم ایکس پر اپنے پیغام میں برسا منڈا کی تاریخی جدوجہد اور ان کی خدمات کو یاد کیا۔

قبائلی سماج میں خودداری کا جذبہ بیدار کیا

امت شاہ نے اپنے پیغام میں کہا کہ برسا منڈا نے ایک طرف قبائلی سماج میں سوئی ہوئی بیداری کو جگایا، تو دوسری طرف لوگوں میں اپنی خودداری اور حقوق کے تئیں نیا جذبہ پیدا کیا۔ ان کی پوری زندگی اپنے سماج کی ترقی اور بااختیار بنانے کے لیے وقف رہی۔

انگریزوں کے خلاف تاریخی ’الگلان تحریک‘

برطانوی حکومت کے مظالم کے خلاف برسا منڈا کی جدوجہد کا ذکر کرتے ہوئے امت شاہ نے کہا کہ اپنی ثقافت اور مادر وطن کی حفاظت کے لیے انہوں نے ’الگلان تحریک‘ کے ذریعے انگریزی حکومت کے خلاف بغاوت کا بگل بجایا تھا۔ ان کی اس تحریک نے برطانوی اقتدار کی بنیادیں ہلا کر رکھ دی تھیں۔

قومی مفاد اور قربانی کا جذبہ آج بھی مشعل راہ

وزیر داخلہ نے کہا کہ دھرتی آبا برسا منڈا کی زندگی آج بھی ملک کے ہر شہری کو قومی مفاد کے لیے متحد رہنے اور ملک کی خاطر قربانی و ایثار کے جذبے کے ساتھ زندگی گزارنے کی ترغیب دیتی ہے۔ ان کی جدوجہد اور قربانیاں آنے والی نسلوں کے لیے بھی تحریک کا ذریعہ بنی رہیں گی۔

بھارت ایکسپریس اردو۔