Jammu National Highway Bus Accident: جموں میں 150فٹ گہری کھائی میں بس گرنے سے 16عقیدتمندوں کی موت

Jammu Kashmir Tourist Bus Accident: جموں وکشمیرمیں خطرناک سڑک حادثہ ہوا ہے۔ مسافروں سے بھری ایک بس 150 فٹ گہری کھائی میں گرگئی ہے۔ حادثے میں 16 افراد کے مرنے کی تصدیق ہوئی ہے۔ 15 سے زیادہ لوگ زخمی ہوئے ہیں۔ باقی کو محفوظ ریسکیوکرلیا گیا ہے۔ اترپردیش روڈ ویزکی بس میں تقریباً 60 لوگ سوارتھے، جوجموں شہرسے شیوکھوری مندرجا رہے تھے، لیکن حادثے کا شکارہوگئے۔

جموں وکشمیرکے ٹرانسپورٹ کمشنرراجندرسنگھ تارا نے بتایا کہ حادثہ نیشنل ہائی وے پرکالی دھرمیندرکے پاس ٹونگی موڑ میں ہوا۔ بس کھائی میں گرتے دیکھ کرلوگ جمع ہوگئے تھے۔ لوگوں نے مل کربچاؤمہم چلائی۔ حادثے کی اطلاع تھانہ انچارج اخنورطارق احمد کودی گئی۔ انہوں نے زخمیوں کولوگوں اورپولیس نے مل کرچوکی چورا اوراخنوراسپتال میں داخل کرایا۔ ایس ڈی ایم اخنورلیکھراج، ایس ڈی پی اوخنورموہن شرما بھی موقع پرپہنچے۔

زخمیوں کوبھیجا اسپتال

بس کے کھائی میں گرنے کے بعد فوراًمقامی لوگ موقع پرپہنچےاورپولیس کوجانکاری دی۔ اس کے بعد پولیس اورمقامی لوگوں نے ریسکیو آپریشن چلایا، جس کے بعد لوگوں کومشکل سے بس کے اندرسے نکالا گیا اوراسپتال بھیجا گیا ہے۔ اسپتال کے اندرزخمیوں کےعلاج کا انتظام کیا گیا ہے۔ شدید طورپرزخمی مریضوں کومیڈیکل اسپتال کے لئے ریفرکیا گیا ہے، جہاں ان کےعلاج کی ساری سہولیات کی جارہی ہیں۔

نہیں تھم رہے سڑک حادثے

واضح رہے کہ گزشتہ سال نومبر میں بھی جموں وکشمیر کے ڈوڈا علاقے میں ایک مسافروں سے بھری بس کھائی میں جو گری تھی۔ بس حادثے کی وجہ سے پورے علاقے میں ہنگامہ مچ گیا تھا۔ یہ حادثہ جموں کشتواڑ نیشنل ہائی وے پرچناؤندی کے پاس ہوا تھا۔ اس حادثے کے بعد بھی جموں وکشمیرمیں کئی بس حادثے ہوچکے ہیں۔