قومی

Farooq Abdullah sings Bhajan: جموں و کشمیر کے کٹرا میں این سی صدر فاروق عبداللہ نے گیا یہ مشہور بھجن، ویڈیو سوشل میڈیا پر وائرل

کٹرا: جموں و کشمیر کے سابق وزیر اعلیٰ فاروق عبداللہ کی سیاست کے ساتھ ساتھ مذہبی مسائل پر بھی وقتاً فوقتاً مختلف خیالات دیکھنے میں آتے ہیں۔ اب ان کا ایک ویڈیو سوشل میڈیا پر وائرل ہو رہا ہے، جس میں وہ کٹرا کے ایک آشرم میں ماتا کی بھکتی میں ڈوبے ہوئے نظر آ رہے ہیں۔

نیشنل کانفرنس (NC) کے صدر فاروق عبداللہ نے کٹرا آشرم میں گلوکار کے ساتھ شامل ہو کر بھجن ’تو نے مجھے بلایا شیروالیے، میں آیا میں آیا شیروالیے‘ گا کر سب کو حیران کر دیا۔ وائرل ویڈیو 23 جنوری (جمعرات) کی ہے۔

 

میڈیا رپورٹس کے مطابق فاروق عبداللہ نے جمعرات کو کٹرا کے ایک آشرم میں ’بھجن‘ پروگرام میں شرکت کی۔ اس موقع پر انہوں نے بھجن گانے کے علاوہ روپ وے پراجیکٹ کے خلاف کٹرا کے لوگوں کی حمایت میں آواز بھی بلند کی۔ انہوں نے کہا، ’’مندر کو چلانے والوں کو ایسا کچھ کرنے سے گریز کرنا چاہیے جس سے مقامی لوگوں کے لیے مسائل پیدا ہوں۔‘‘ اس کے علاوہ، این سی صدر نے شہر کے مفادات کا خیال کیے بغیر روپ وے کی تعمیر کے لیے بورڈ پر بھی تنقید کی۔

فاروق عبداللہ نے کہا کہ آپ سب نے ہمت دکھائی اور اسے روکنے کے لیے بہادری سے لڑا۔ وہ جان چکے ہیں کہ اقتدار حکومت کے پاس نہیں عوام کے پاس ہے۔ آپ کو بتا دیں کہ اس سے قبل گزشتہ سال اپریل میں رام دُھن کے تعلق سے فاروق عبداللہ کا ایک ویڈیو وائرل ہوا تھا۔

بھارت ایکسپریس۔

Md Hammad

Recent Posts

Supreme Court: ایس آئی آر اور چیف الیکشن کمشنر گیانیش کمار سے متعلق انڈیا بلاک کی عرضی پر سپریم کورٹ میں سماعت ملتوی

چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…

5 hours ago