Jagannath Rath Yatra: جگن ناتھ رتھ یاترا کے آغاز پر وزیر اعظم مودی اور وزیر داخلہ امت شاہ نے پیش کی مبارکباد

نئی دہلی: دنیا بھر میں مشہور بھگوان جگن ناتھ کی رتھ یاترا آج سے شروع ہو گئی، جس کے موقع پر وزیر اعظم نریندر مودی، مرکزی وزیر داخلہ امت شاہ اور وزیر دفاع راج ناتھ سنگھ نے ملک بھر کے عقیدت مندوں کو مبارکباد اور نیک تمناؤں کا اظہار کیا۔ وزیر اعظم مودی نے کہا کہ یہ عظیم رتھ یاترا بھارت کی صدیوں پرانی مذہبی اور ثقافتی وراثت کی ایک منفرد علامت ہے، جس نے نہ صرف ہندوستان بلکہ پوری دنیا میں نسل در نسل لوگوں کو خدمت، اتحاد اور عاجزی کا پیغام دیا ہے۔

महाप्रभु जगन्नाथ की रथ यात्रा के पावन अवसर पर मेरी कामना है कि उनका आशीर्वाद हम सभी पर सदैव बना रहे। उनकी दिव्य कृपा से सभी देशवासियों के जीवन में नई ऊर्जा का संचार हो।

देवदेव जगन्नाथ सुरासुरनमस्कृत।

पुण्यश्लोकाव्ययानन्त परमात्मन्नमोऽस्तु ते॥ pic.twitter.com/QkEmjTPlS3

— Narendra Modi (@narendramodi) July 16, 2026

وزیر اعظم نریندر مودی نے سوشل میڈیا پلیٹ فارم “ایکس” پر اپنے پیغام میں کہا کہ رتھ یاترا کے موقع پر تمام عقیدت مندوں کو دلی مبارکباد پیش کرتا ہوں۔ انہوں نے کہا کہ یہ یاترا بھارت کی قدیم اور ثقافتی روایات کی شاندار عکاسی کرتی ہے، جب کہ اس سے وابستہ روایات نے دنیا بھر کے کروڑوں لوگوں کو متاثر کیا ہے۔ ان کے مطابق رتھ یاترا اجتماعی شرکت، عاجزی اور بے لوث خدمت کی علامت ہے۔

Greetings to everyone on the sacred occasion of Rath Yatra. This is a radiant expression of India’s timeless spiritual and cultural heritage. The traditions associated with the Rath Yatra have inspired generations across India and the world. They embody humility, collective…

— Narendra Modi (@narendramodi) July 16, 2026

وزیر اعظم نے دعا کی کہ مہاپربھو جگن ناتھ تمام شہریوں کو صحت، خوشحالی اور کامیابی سے نوازیں، ان کے تمام نیک کاموں میں قوت عطا کریں اور معاشرے میں اتحاد و یکجہتی کے جذبے کو مزید مضبوط بنائیں۔ ایک اور پیغام میں انہوں نے کہا کہ ان کی خواہش ہے کہ مہاپربھو جگن ناتھ کا آشیرواد ہمیشہ تمام اہلِ وطن پر قائم رہے اور ان کی کرپا سے ہر شخص کی زندگی میں نئی توانائی اور امید پیدا ہو۔اس موقع پر وزیر اعظم مودی نے سنسکرت کا ایک مذہبی شلوک بھی شیئر کیا، جس میں بھگوان جگن ناتھ کو کائنات کے مالک اور تمام مخلوقات کے دلوں میں بسنے والی عظیم ہستی قرار دیتے ہوئے انہیں بار بار نمن پیش کیا گیا۔

जय जगन्नाथ!

समस्त देशवासियों को श्री जगन्नाथ रथयात्रा की हार्दिक शुभकामनाएं।

विश्वप्रसिद्ध जगन्नाथ रथयात्रा अटूट आस्था, विश्वास और भक्ति का प्रतीक है। यह पवित्र रथयात्रा भारत की समृद्ध सांस्कृतिक विरासतों को सहेजने और भगवान के प्रति अटूट श्रद्धा को दर्शाती है।

महाप्रभु… pic.twitter.com/x9FBxykr9E

— Amit Shah (@AmitShah) July 16, 2026

مرکزی وزیر داخلہ امت شاہ نے بھی اپنے پیغام میں کہا کہ جگن ناتھ رتھ یاترا غیر متزلزل عقیدت، ایمان اور بھگتی کی علامت ہے۔ انہوں نے کہا کہ یہ یاترا بھارت کی عظیم ثقافتی روایات کو محفوظ رکھنے اور بھگوان کے لیے عوام کی گہری عقیدت کی عکاس ہے۔ امت شاہ نے مہاپربھو جگن ناتھ، ویر بل بھدر اور ماتا سبھدرا سے ملک کے تمام شہریوں کی خوشحالی، امن اور فلاح و بہبود کے لیےپرارتھنا کی۔دریں اثنا، وزیر دفاع راج ناتھ سنگھ نے بھی جگن ناتھ رتھ یاترا کے آغاز پر عقیدت مندوں کو مبارکباد دیتے ہوئے کہا کہ بھگوان جگن ناتھ کی کرپا سے ہر شخص کی زندگی میں خوشی، امن، خوشحالی اور مثبت توانائی کا اضافہ ہو۔ انہوں نے اپنے پیغام کا اختتام “جے جگن ناتھ” سے ہوا۔

بھارت ایکسپریس اردو