Earthquake In India: ریکٹر اسکیل پر اس کی شدت تین ریکارڈ کی گئی،ملک کے کئی حصوں میں پھر سے زلزلے کے جھٹکے محسوس کیے گئے

Earthquake In India: اتوار 26 نومبر کو ملک کے کئی حصوں میں زلزلے کے جھٹکے محسوس کیے گئے۔ نیشنل سینٹر فار سیسمولوجی کے مطابق ہریانہ کے سونی پت میں صبح 4 بجے زلزلے کے جھٹکے محسوس کیے گئے۔ ریکٹر اسکیل پر اس کی شدت تین ریکارڈ کی گئی۔

آسام میں بھی زلزلے کے جھٹکے
جبکہ دوسرے زلزلے کا مرکز آسام کے دارنگ میں زمین سے 22 کلومیٹر گہرائی میں تھا۔ یہ صبح 7 بج کر 36 منٹ پر محسوس کیا گیا اور ریکٹر اسکیل پر اس کی شدت تین ریکارڈ کی گئی۔ قابل ذکر بات یہ ہےکہ کہیں سے جان و مال کے نقصان کی کوئی خبر نہیں ہے۔

دیگر ریاستوں میں زلزلے کے جھٹکے محسوس نہیں ہوئے۔
ذرائع کے مطابق آسام اور ہریانہ میں اتوار کو زلزلہ آیا۔ اس کی شدت اتنی کم تھی کہ اس کا اثر زیادہ نہیں تھا۔ زلزلے کے جھٹکے صرف آسام کے درنگ اور ہریانہ کے سونی پت میں محسوس کیے گئے۔ لوگ کچھ دیر کے لیے خوف کے مارے گھروں سے باہر نکل آئے لیکن کہیں سے کسی قسم کے نقصان کی کوئی خبر نہیں ہے۔

زلزلے کے واقعات میں اضافہ
آپ کو بتاتے چلیں کہ گزشتہ ایک سال سے دنیا بھر میں زلزلوں کے واقعات میں مسلسل اضافہ ہو رہا ہے۔ صرف 3 نومبر کو نیپال میں چھ سے زیادہ شدت کا زلزلہ آیا تھا جس کی وجہ سے 70 سے زائد افراد ہلاک ہو گئے تھے۔ دہلی-این سی آر، اتراکھنڈ، اتر پردیش، پنجاب اور راجستھان میں بھی زلزلے کے جھٹکے محسوس کیے گئے۔ گھبراہٹ میں اپنے گھروں اور دفاتر سے باہر آنے والے لوگوں نے بتایا کہ انہیں تقریباً 30 سیکنڈ تک زلزلے کے جھٹکے محسوس ہوئے۔

پچھلے ایک سال میں کئی ماہرین ارضیات نے خدشہ ظاہر کیا ہے کہ چھوٹے زلزلے بھی بڑے زلزلے کی علامت ہو سکتے ہیں۔ قومی راجدھانی دہلی اور این سی آر خطہ میں حالیہ دنوں میں زلزلے کے جھٹکوں میں اضافہ ہوا ہے جو کہ تشویش کا باعث ہے۔

بھارت ایکسپریس