ٹیم انڈیا کی جیت پر اسرائیلی سفیر کا پاکستان پر طنز
Naor Gilon On Team India Victory: ہندوستان میں اسرائیلی سفیر ناؤر گلون (Naor Gilon) نے ہفتہ (14 اکتوبر) کے روز پاکستان کے خلاف ٹیم انڈیا کی جیت پر خوشی کا اظہار کیا ہے۔ اس دوران انہوں نے پاکستانی ٹیم کو بھی آڑے ہاتھوں لیا۔ سوشل میڈیا پلیٹ فارم ایکس پر پوسٹ کرتے ہوئے انہوں نے کہا کہ شکست کے بعد پاکستان اپنی فتح حماس کو وقف نہیں کر پایا۔
انہوں نے کہا کہ ہمیں خوشی ہے کہ کرکٹ ورلڈ کپ 23 میں کھیلے گئے پاک و ہند میچ میں ہندوستان نے کامیابی حاصل کی اور پاکستان اپنی جیت حماس کے دہشت گردوں کو وقف نہیں کر سکا، میچ کے دوران ہمارے بھارتی دوستوں نے پوسٹر دکھا کر اسرائیل کے ساتھ اپنی یکجہتی کا اظہار کیا۔ اس سے ہم انتہائی جذباتی ہیں۔
اپنے پوسٹ میں انہوں نے ایک تصویر بھی شیئر کی ہے، جس میں ایک شخص کو پی ایم مودی اور اسرائیلی وزیر اعظم بنجمن نتن یاہو کی تصویروں والا پوسٹر تھامے دیکھا جا سکتا ہے۔ پوسٹر پر لکھا ہے کہ بھارت دہشت گردی کے خلاف جاری جنگ میں اسرائیل کے ساتھ کھڑا ہے۔
بھارت نے پاکستان کو دی شکست
گجرات کے احمد آباد کے نریندر مودی اسٹیڈیم میں کھیلے گئے ورلڈ کپ کے میچ میں بھارت نے پاکستان کو شکست دے دی۔ بھارت نے اسے یکطرفہ مقابلے میں 7 وکٹوں سے شکست دی۔ اس کے ساتھ ہی ٹیم انڈیا نے پاکستان کو ورلڈ کپ میں 8ویں بار شکست دی۔
محمد رضوان نے فلسطین کی کی تھی حمایت
اس سے قبل پاکستانی کرکٹر محمد رضوان نے سری لنکا کے خلاف پاکستان کی جیت فلسطینی شہریوں کے نام کی تھی۔ انہوں نے سوشل میڈیا پلیٹ فارم پر پوسٹ کیا کہ میں حیدرآباد کے لوگوں کا ان کی شاندار مہمان نوازی اور تعاون کے لیے بے حد مشکور ہوں۔
بھارت ایکسپریس۔
ایرانی بحریہ نے تیل بردار جہاز کو ’خلاف ورزی کرنے والا‘ جہاز قرار دیا۔ بیان…
صدر جمہوریہ نے کہا کہ حب الوطنی کے جذبے سے سرشار نوجوان ہندوستانی اقدار کو…
بھارت ایکسپریس کے سی ایم ڈی اور ایڈیٹر اِن چیف اپیندر رائے کی میزبانی میں…
الیکشن کمیشن آف انڈیا (ای سی آئی) نے ووٹر لسٹ کی خصوصی گہری نظرثانی (ایس…
ممبئی کے وکرولی ریلوے اسٹیشن پر ایک نوجوان کی بہادری کا ویڈیو سوشل میڈیا پر…
اندریش کمار نے سونیا گاندھی کی کتاب پر اٹھائے سوالات، راہل گاندھی پر بھی تنقید،…