ایران کی سپریم نیشنل سکیورٹی کونسل کے نائب سکریٹری غدیر نظامی پور نے برکس ممالک کے قومی سلامتی مشیروں کے 16ویں اجلاس کے اختتام کے بعد نئی دہلی میں وزیراعظم نریندر مودی سے ملاقات کی۔ یہ اجلاس منگل کو قومی سلامتی کے مشیر اجیت ڈوبھال کی صدارت میں منعقد ہوا تھا۔ ہندوستان میں ایرانی سفارت خانے نے سوشل میڈیا پلیٹ فارم ایکس پر ایک بیان میں کہا کہ غدیر نظامی پور نے منگل کی شام وزیر اعظم نریندر مودی سے ملاقات کی، جو برکس رکن ممالک کے قومی سلامتی مشیروں اور سلامتی اداروں کے سربراہان کے اجلاس کے بعد ہوئی۔
His Excellency Dr. Ghadir Nezamipour, Deputy Secretary of the Supreme National Security Council of the Islamic Republic of Iran, met with Shri Narendra Modi, Prime Minister of India, on Tuesday evening in New Delhi following the conclusion of the Meeting of Heads of Security… pic.twitter.com/yJkt8Vy5uy
— Iran in India (@Iran_in_India) June 23, 2026
اجیت ڈوبھال سے بھی تبادلۂ خیال
وزیراعظم سے ملاقات سے قبل غدیر نظامی پور نے ہندوستان کے قومی سلامتی کے مشیر اجیت ڈوبھال سے بھی ملاقات کی، جس میں باہمی دلچسپی کے مختلف علاقائی اور سلامتی سے متعلق امور پر تبادلۂ خیال کیا گیا۔ برکس قومی سلامتی مشیروں کے اجلاس کے دوران ایران اور متحدہ عرب امارات کے درمیان کشیدگی اس وقت نمایاں ہو گئی جب ایرانی وفد نے امارات پر امریکہ اور اسرائیل کی جانب سے ایران پر کیے گئے فوجی حملوں میں براہِ راست تعاون کا الزام عائد کیا۔ ایرانی سفارت خانے کے مطابق غدیر نظامی پور نے اجلاس سے خطاب کرتے ہوئے متحدہ عرب امارات کے نمائندے کی جانب سے ایران پر عائد کیے گئے الزامات کو مسترد کر دیا اور کہا کہ آبنائے ہرمز میں حالیہ بحران کے اصل ذمہ دار امریکہ اور اسرائیل ہیں۔
متحدہ عرب امارات پر ایران کے الزامات
انہوں نے الزام لگایا کہ حملوں کا ایک حصہ متحدہ عرب امارات کی سرزمین پر موجود فوجی اڈوں سے کیا گیا۔ ان کے مطابق امارات نے نہ صرف اپنی سرزمین کو ایران کے خلاف استعمال ہونے دیا بلکہ ایران کے شہری بنیادی ڈھانچے، اسکولوں اور اسپتالوں پر حملوں میں بھی تعاون کیا۔ غدیر نظامی پور نے اماراتی وفد پر زور دیا کہ وہ ’’پروپیگنڈے اور مہم جوئی‘‘ کی پالیسی ترک کرے اور خطے میں امن و استحکام کے لیے تعمیری کردار ادا کرے۔ یہ بیان ایسے وقت سامنے آیا ہے جب مغربی ایشیا میں کشیدگی کے خاتمے کے لیے ایران اور امریکہ کے درمیان مفاہمتی یادداشت (ایم او یو) کے تحت تکنیکی سطح کے ابتدائی مذاکرات مکمل ہو چکے ہیں۔ دونوں ممالک نے 60 دن کے اندر حتمی معاہدے کے لیے ایک اعلیٰ سطحی کمیٹی اور روڈ میپ تشکیل دینے پر اتفاق کیا ہے۔
بھارت ایکسپریس اردو۔
ایس آئی آر تنازع کے درمیان الیکشن کمیشن سوشل میڈیا پر سرگرم ہوکر وائرل دعوؤں…
2027 کے اتر پردیش اسمبلی انتخابات کے لیے بی جے پی اپنی تیاریوں میں تیزی…
جمعہ کو ہندوستانی وزارت خارجہ نے اروناچل پردیش میں چینی پیپلز لبریشن آرمی کے ساتھ…
مہاراشٹر میں ایس آئی آر کے دوران ووٹر لسٹ سے بڑے پیمانے پر نام ہٹائے…
عالمی بازار میں سونے کی قیمتوں میں بڑی گراوٹ کے بعد شینزن کے شوبے گولڈ…
فاؤنڈیشن نے دہشت گردی کے الزامات کو ’سیاسی محرکات پر مبنی‘ قرار دیا، بلوچستان میں…