Indigo cancelled 650 flights: انڈیگو کی آج 650 اُڑانیں منسوخ، صرف 1650 پروازوں کا آپریشن ہوا

آپریشنل مسائل سے جوجھ رہی ملک کی سب سے بڑی ایئر لائن کمپنی IndiGo نے اتوار کو ایک بار پھر مجموعی طور پر 650 پروازیں منسوخ کر دیں۔ حالانکہ 2300 میں سے 1650 اُڑانوں کا آپریشن کیا جائے گا۔ بتایا جاتا ہے کہ یہ بحران گزشتہ چھ دنوں سے جاری ہے، جس کی وجہ سے مسافروں کو شدید پریشانیوں کا سامنا کرنا پڑ رہا ہے۔

مسئلہ کب حل ہوگا؟

انڈیگو گزشتہ چھ دنوں میں ہزاروں پروازیں ردّ کر چکی ہے۔ منسوخ ہونے والی پروازوں میں جمعے کے روز ایک ہزار سے زیادہ اور ہفتے کو آٹھ سو سے زیادہ فلائٹس شامل تھیں۔ البتہ اتوار سے صورتحال میں بتدریج بہتری دیکھنے کو مل رہی ہے۔ کمپنی کا کہنا ہے کہ نیٹ ورک کو مکمل طور پر معمول پر آنے میں ابھی کچھ دن لگیں گے۔ انڈیگو نے امید ظاہر کی ہے کہ 10 دسمبر تک فلائٹ آپریشن مستحکم ہو جائے گا، جب کہ اس سے قبل یہ تاریخ 10 سے 15 دسمبر کے درمیان بتائی گئی تھی۔

چھ دنوں میں ہزاروں فلائٹس منسوخ

افسران کے مطابق گزشتہ چھ دنوں میں انڈیگو نے ہزاروں پروازیں منسوخ کی ہیں، جس کے باعث لاکھوں مسافروں کو اپنی یاترا کو دوبارہ شیڈول کرنے اور لمبی قطاروں و انتظار جیسی پریشانیوں کا سامنا کرنا پڑا۔ ایئر لائن کا کہنا ہے کہ وہ اس بحران سے سبق لے کر نیٹ ورک میں مستقل بہتری لانے کی کوشش کر رہی ہے۔ اتوار کے روز ایئر لائن نے 1650 سے زیادہ پروازوں کی آپریشنل پلاننگ کی ہے، جس سے زیادہ تر بڑے شہروں کو جوڑنے والی خدمات بہتر ہونے کی امید ہے۔

مسافروں کے لیے سہولتیں

IndiGo نے مسافروں کی سہولت کے لیے 15 دسمبر تک بُکنگ کینسل یا ری شیڈول کرنے پر پوری چھوٹ دینے کا اعلان کیا ہے۔ علاوہ ازیں، ایئر لائن کی وقت پر اڑان (OTP) کی صلاحیت 75 فیصد تک بہتر ہوئی ہے۔ اتوار کو انڈیگو ملک کے 138 میں سے 137 ڈیسٹی نیشنز پر پروازیں چلا رہی ہے۔

سی ای او کو نوٹس

اس بحران کے سبب ملک کے مختلف ہوائی اڈوں پر مسافروں کی لمبی قطاریں دیکھنے میں آئیں۔ احمدآباد ایئرپورٹ سے موصولہ اطلاعات کے مطابق آج یہاں آنے والی 12 اور روانہ ہونے والی 9 پروازیں  ردکی گئی ہیں۔ اسی دوران شہری ہوابازی کی وزارت نے انڈیگو کے مسئلے کو مدنظر رکھتے ہوئے متاثرہ روٹس پر زیادہ سے زیادہ کرایے کی حد مقرر کر دی ہے۔ ساتھ ہی، ڈی جی سی اے نے انڈیگو کے سی ای او کو اس مسئلے کا ذمہ دار مانتے ہوئے ’شو کاز‘ نوٹس بھی جاری کیا ہے۔

بھارت ایکسپریس اردو۔