India’s business output growth: مارچ میں ہندوستان کے بزنس آؤٹ پٹ کی نمو مضبوط رہی، ایچ ایس بی سی فلیش پی ایم آئی ڈیٹا کے مطابق سیلز اور آؤٹ پٹ میں نمایاں اضافہ

ابتدائی ایچ ایس بی سی فلیش پی ایم آئی ڈیٹا کے مطابق ہندوستان کی نجی شعبے کی معیشت نے مضبوط بنیادوں پر 2024/25 مالی سال کا اختتام کیا ہے اور نئے کاروباری انٹیکس اور آؤٹ پٹ میں مضبوط توسیع کو برقرار رکھا ہے۔ فروری سے شرح نمو میں کچھ نرمی آئی ہے لیکن پھر بھی متعقلہ طویل مدتی اوسط سے کافی اوپر ہے۔ وہیں بقایا کاروباری حجم میں مسلسل اضافہ ہوتا رہا ہے، جس سے روزگار کی تخلیق کا ایک اور دور ممکن ہے، جب کہ قمیتوں کے رجحانات ملے جلے رہے ہیں۔ ڈیٹا کے مطابق ان پٹ لاگت میں نمایاں اور تیز رفتار اضافہ ہوا، لیکن چارج افراط زر تین سالوں میں اپنی کمزور ترین سطح پر آ گیا۔ مینوفیکچرنگ مارچ میں سب سے بہترین تھی، جس نے سیلز اور آؤٹ پٹ میں تیزی سے اضافہ کیا۔

کیا ہے ایچ ایس بی سی؟

ایچ ایس بی سیفلیش انڈیا کمپوزٹ آؤٹ پٹ انڈیکس ایک سیزنلی ایڈجسٹ انڈیکس ہے جو کہ ہندوستان کے مینوفیکچرنگ اور سروس سیکٹرز کی مشترکہ پیداوار میں ماہ بہ ماہ تبدیلی کی پیمائش کرتا ہے۔ اور اس کے مطابق سروس سیکٹر فروری کی آخری ریڈنگ 58.8 کے مقابلے مارچ میں 58.6 پر گر گیا تھا۔ تاہم تازہ ترین اعداد و شمار اس کی طویل مدتی اوسط 54.7 سے اوپر ہیں اور اس نے توشیع کی تیز شرح کو نشان زد کیا ہے۔ یہ رفتار خدمات کی سرگرمیوں میں نرمی سے اضافے کی عکاسی کرتی ہے، کیونکہ فیکٹری پروڈکشن جولائی 2024 کے بعد سب سے تیز رفتاری سے بڑھی ہے۔

وہیں ایچ ایس بی چی فلیش انڈیا مینوفیکچرنگ پی ایم آئی فروری میں 56.3 سے بڑھ کر مارچ میں 57.6 ہو گیا، جو آپریٹنگ حالات میں قابل ذکر بہتری کی عکاسی کرتا ہے۔ پچھلے مہینے سے اس کے پانچ اہم ذیلی اجزاء میں سے تین میں اضافہ ہوا ہے، یعنی آؤٹ پٹ، نئے آرڈرز اور خریداریوں کے اسٹاک میں۔

بھارت ایکسپریس اردو