قومی

Indian Railways saved 640 crore liters of diesel: ہندوستانی ریلوے نے 640 کروڑ لیٹر ڈیزل کی بچت کی، ریلوے نے اسے ملک میں 16 کروڑ پودے لگانے کے برابر اہم قرار دیا

وزارت ریلوے کی جانب سے فراہم کردہ اطلاعات کے مطابق ہندوستانی ریلوے نے گزشتہ ایک دہائی میں 640 کروڑ لیٹر سے زیادہ ڈیزل کی بچت کرکے ماحولیاتی استحکام میں ایک اہم سنگ میل حاصل کیا ہے۔ ہندوستانی ریلوے کے اس قدم سے 400 کروڑ کلو گرام CO2 کے اخراج میں کمی واقع ہوئی ہے۔ وزارت ریلوے کے مطابق یہ ڈیزل کے استعمال میں یہ کمی ملک بھر میں 16 کروڑ پودے لگانے کے برابر ہے۔ دی نیو انڈین ایکسپریس کی خبر کے مطابق ریلوے کے ایک سینئر اہلکار نے بتایا کہ ’’یہ عدد ہندوستانی ریلوے کی پائیداری کے لیے لگن کو ظاہر کرتا ہے اور 2030 تک خالص صفر اخراج کا ہدف حاصل کرنے سے پہلے اس کے کاربن فٹ پرنٹ کو کم کرتا ہے۔‘‘ اہلکار نے مزید بتایا کہ ریلوے تیزی سے سب سے زیادہ ماحول دوست اور توانائی کی بچت کرنے والے قومی ٹرانسپورٹ موڈ میں تبدیل ہو رہا ہے۔

واضح رہے کہ پچھلے 10 سالوں میں ہندوستانی ریلوے نے نمایاں طور پر برقی کاری کو بڑھایا ہے، جس کے تحت 2004 اور 2014 کے درمیان صرف 5,188 کلومیٹر کے مقابلے گزشتہ دس برسوں میں 45,922 کلومیٹر ریل راستوں کا احاطہ کیا گیا ہے۔ اس سے ایندھن کی بچت اور کاربن کے اخراج میں نمایاں کمی ہوئی ہے اور ریلوے کی نقل و حمل میں بھی پائیداری آئی ہے۔‘‘

مزید برآں ہندوستانی ریلوے نے ماحول دوست اقدامات جیسے رین واٹر ہارویسٹنگ (RWH) سسٹم کی تنصیب کو بھی نافذ کیا ہے۔ ریلوے اہلکار نے بتایا ’’مارچ 2024 تک، 7,692 RWH سسٹمز نصب کیے جا چکے ہیں اور ہندوستانی ریلوے نے کاربن کے اخراج کو مزید کم کرنے کے لیے بتدریج توانائی کے مختلف ذرائع سے قابل تجدید توانائی حاصل کرنے کا منصوبہ بنایا ہے۔‘‘

ریلوے کے وزیر اشونی ویشنو نے 2030 تک پورے ریلوے نیٹ ورک کو خالص صفر اخراج والے نقل و حمل کے نظام میں تبدیل کرنے کا ایک مشن مقرر کیا ہے۔ اس کے علاوہ بھی ریلوے نے توانائی کی بچت کے کئی اقدامات متعارف کرائے ہیں، بشمول اینڈ آن جنریشن (EOG) ٹرینوں کو ہیڈ آن جنریشن (HOG) ٹرینوں میں تبدیل کرنا، جو اسٹیشنوں اور ٹرین میں شور اور فضائی آلودگی کو کم کرتے ہیں، جبکہ پاور کاروں میں ڈیزل کی کھپت کو نمایاں طور پر کم کرتے ہیں۔ اہلکار نے نوٹ کیا کہ ریل راستوں کی بجلی کاری نے کاربن کے اخراج کو کم کرنے، ڈیزل کی بچت اور متعلقہ اخراجات کو کم کرنے میں اہم کردار ادا کیا ہے۔

بھارت ایکسپریس اردو

Ghulam Mohammad

Recent Posts

PM Modi Condolence: یوگی آدتیہ ناتھ کو والدہ کے انتقال کا صدمہ، وزیر اعظم مودی نے فون کرکے تعزیت کی

وزیر اعلیٰ یوگی آدتیہ ناتھ کی والدہ ساوتری دیوی کا 91 سال کی عمر میں…

24 seconds ago

Giriraj Singh on PM Modi Bihar Visit: بہار پوروانچل کا گیٹ وے، وزیر اعظم نریندر مودی کی آمد سے ترقی کو ملیں گے نئے پر: گری راج سنگھ

مرکزی وزیر گری راج سنگھ نے وزیر اعظم نریندر مودی کے دورۂ بہار کو ریاست…

4 minutes ago

INDIA bloc on Azam Khan’s Remark: اعظم خان کے ’بریانی‘ والے بیان پر انڈیا اتحاد متحد، اویسی کو آئینہ دکھانے کا دعویٰ

فخر الحسن چاند نے کہا کہ جو لوگ اعظم خان کے ہمدرد ہونے کا دعویٰ…

18 minutes ago

LAKHPATI DIDI: وزیر اعظم نریندر مودی کی پہل سے خواتین کی زندگی میں آئی خوشحالی، کوروا کی خواتین لکھ پتی بن کر رقم کر رہی ہیں تاریخ

چھتیس گڑھ کے ضلع بلرام پور کے پہاڑی کوروا اکثریتی گاؤں پتراپارہ کی 108 خواتین…

21 minutes ago