Indian Railways Chart Preparation Rule: ریلوے کا ریزرویشن چارٹ ٹرین کی روانگی سے چار گھنٹے کے بجائے اب 8 گھنٹے پہلے ہی کردیا جائے گا تیار

ہندوستانی ریلوے مسافروں کے لیے مکمل سفری تجربے کو مسافروں پر مرکوز بنانے کے لیےکوشاں ہے۔ مسافر کا ریلوے کے ساتھ سفر ٹکٹ کی بکنگ کے مرحلے سے شروع ہوتا ہے۔ ریلوے کا محکمہ ٹکٹ بکنگ کو آسان بنانے کے لیے متعدد اقدامات کر رہا ہے۔ریلوے کے وزیر اشونی ویشنو نے حال ہی میں ان اصلاحات کی پیشرفت کا جائزہ لیا۔ انہوں نے زور دیا کہ ٹکٹنگ سسٹم کو اسمارٹ، شفاف، قابل رسائی اور موثر ہونا چاہیے۔ منصوبہ بندی کا مرکز مسافروں کی سہولت پر ہونا چاہیے۔ سسٹم کو مسافروں کے لیے ہموار اور آرام دہ سفری منصوبے کی یقین دہانی کے لیے بہتر ایڈوانس چارٹنگ ہونا چاہیے۔

فی الحال، ریلوے کا ریزرویشن چارٹ ٹرین کی روانگی سے چار گھنٹے پہلے تیار کیا جاتا ہے۔ اس سے مسافروں کے ذہنوں میں غیر یقینی صورتحال پیدا ہوتی ہے۔ جہاں مسافر قریبی علاقوں سے ٹرین پکڑنے کے لیے آتے ہیں، یہ غیر یقینی صورتحال سنگین مسائل پیدا کر سکتی ہے۔اس غیر یقینی صورتحال کو دور کرنے کے لیے، ریلوے بورڈ نے ریزرویشن چارٹ کو روانگی سے آٹھ گھنٹے پہلے تیار کرنے کی تجویز دی ہے۔ دوپہر 2 بجے سے پہلے روانہ ہونے والی ٹرینوں کے لیے چارٹ پچھلے دن رات 9 بجے تک تیار کیا جائے گا۔ ریلوے کے وزیر نے اس تجویز سے اتفاق کیا اور بورڈ کو ہدایت دی کہ اسے مرحلہ وار  نافذ کیا جائے تاکہ کوئی خلل نہ پڑے۔

اس اقدام سے ویٹ لسٹ ٹکٹوں والے مسافروں کی غیر یقینی صورتحال کم ہوگی۔ مسافروں کو ویٹ لسٹ کی صورتحال کے بارے میں پہلا اپ ڈیٹ کافی پہلے مل جائے گا۔ یہ ان مسافروں کے لیے فائدہ مند ہوگا جو دور دراز مقامات یا بڑے شہروں کے مضافاتی علاقوں سے لمبی دوری کی ٹرینوں کو پکڑنے کے لیے سفر کرتے ہیں۔ اس سے ویٹ لسٹ کی تصدیق نہ ہونے کی صورت میں متبادل انتظامات کے لیے بھی زیادہ وقت ملے گا۔

نئے اپ گریڈ شدہ پی آر ایس کا ڈیزائن چست، لچکدار اور موجودہ بوجھ سے دس گنا زیادہ ہینڈل کرنے کی صلاحیت رکھتا ہے۔ یہ ٹکٹ بکنگ کی صلاحیت کو نمایاں طور پر بڑھائے گا۔ نیا پی آر ایس فی منٹ ڈیڑھ لاکھ سے زائد ٹکٹوں کی بکنگ کی اجازت دے گا۔ یہ موجودہ پی آر ایس کے فی منٹ 32,000 ٹکٹوں سے تقریباً پانچ گنا زیادہ ہے۔ٹکٹ انکوائری کی صلاحیت دس گنا بڑھ جائے گی، یعنی فی منٹ 4 لاکھ سے بڑھ کر 40 لاکھ سے زائد انکوائری ممکن ہوگی۔نیا پی آر ایس کثیر لسانی اور صارف دوست بکنگ اور انکوائری انٹرفیس بھی رکھتا ہے۔نئے پی آر ایس میں صارفین اپنی پسند کی سیٹ منتخب کر سکیں گے اور کرایہ کیلنڈر دیکھ سکیں گے۔ اس میں دویانگ جن، طلبہ، مریضوں وغیرہ کے لیے مربوط سہولیات بھی ہیں۔

تتکال بکنگ کے لیے بسٹریم لائن تصدیق

ہندوستانی ریلوے یکم جولائی 2025 سے آئی آر سی ٹی سی ویب سائٹ اور موبائل ایپ پر صرف تصدیق شدہ صارفین کو تتکال ٹکٹ بک کرنے کی اجازت دے گا۔مزید برآں، جولائی 2025 کے آخر سے تتکال بکنگ کے لیے او ٹی پی پر مبنی تصدیق کی جائے گی۔ریلوے کے وزیر نے حکام کو ہدایت دی کہ تتکال بکنگ کے لیے تصدیق کے میکانزم کو وسیع کیا جائے۔ تصدیق آدھار یا صارف کے ڈیجی لاکر اکاؤنٹ میں موجود کسی دوسرے قابل تصدیق سرکاری شناخت کے ذریعے کی جانی چاہیے۔یہ اقدامات ہندوستانی ریلوے کی اپنے سسٹمز کو جدید بنائے اور انہیں زیادہ شہری دوست بنائے کی مسلسل کوششوں کی عکاسی کرتے ہیں۔

بھارت ایکسپریس۔