بھارت اور برطانیہ (یو کے) کے درمیان کریٹیکل منرلز کے شعبے میں اسٹریٹجک شراکت داری نے ایک اور اہم سنگِ میل عبور کر لیا ہے۔ دونوں ممالک کے وزرائے اعظم نریندر مودی اور کیئر اسٹارمر کی جانب سے 2025 میں کریٹیکل منرلز سپلائی چین آبزرویٹری کے قیام کے اعلان کے بعد اب اس سمت میں ایک بڑا قدم اٹھایا گیا ہے۔ جمعرات کو مرکزی وزیرِ کوئلہ و کانکنی جی کشن ریڈی اور برطانیہ کی وزیر خارجہ ایویٹ کوپر نے مشترکہ طور پر بھارت-برطانیہ کریٹیکل منرلز گلوبل سپلائی چین آبزرویٹری (جی ایس سی او) سیٹلائٹ سینٹر کا افتتاح کیا۔ یہ معلومات ایک سرکاری بیان میں دی گئیں۔
ریٹیکل منرلز عالمی معیشت کی ریڑھ کی ہڈی بنتے جا رہے ہیں
اس موقع پر جی کشن ریڈی نے کہا کہ یہ آبزرویٹری دنیا بھر میں کریٹیکل منرلز کی محفوظ، پائیدار اور قابلِ اعتماد سپلائی چین کی تشکیل میں اہم کردار ادا کرے گی۔ انہوں نے کہا کہ صاف توانائی، جدید ٹیکنالوجی اور ڈیجیٹل تبدیلی کے تیزی سے فروغ کے ساتھ کریٹیکل منرلز عالمی معیشت کی ریڑھ کی ہڈی بنتے جا رہے ہیں۔ یہ آبزرویٹری دنیا کے سب سے بڑے ڈیجیٹل میٹریل فلو میپ کا ایک اہم مرکز بھی ہوگی۔
کریٹیکل منرلز کے شعبے میں خود کفالت کو اولین ترجیح
مرکزی وزیر نے کہا کہ وزیر اعظم نریندر مودی کی قیادت میں حکومت 2047 تک “وکست بھارت” کے ہدف کو حاصل کرنے کے لیے کریٹیکل منرلز کے شعبے میں خود کفالت کو اولین ترجیح دے رہی ہے۔ اسی مقصد کے تحت 4 ارب ڈالر کے نیشنل کریٹیکل منرلز مشن کا آغاز کیا گیا ہے، جس کا مقصد معدنیات کی تلاش، کانکنی، پروسیسنگ، ری سائیکلنگ اور اختراعات کو فروغ دینا ہے۔سرکاری بیان کے مطابق حکومت کریٹیکل منرلز کی ری سائیکلنگ کو فروغ دینے کے لیے 18 کروڑ ڈالر کی خصوصی اسکیم بھی نافذ کر رہی ہے۔ اس کے علاوہ ملک بھر میں 9 سینٹرز آف ایکسی لینس قائم کیے گئے ہیں۔ حکومت صنعتی فضلے سے قیمتی معدنیات کی بازیابی اور بیرونِ ملک معدنی اثاثوں کی ترقی جیسے اقدامات بھی کر رہی ہے تاکہ ملک کی معدنی سلامتی کو مزید مضبوط بنایا جا سکے۔
شفاف ای نیلامی نظام کے ساتھ نجی اور جونیئر مائننگ کمپنیوں کو بھی نئے مواقع
جی کشن ریڈی نے کہا کہ معدنیات کے شعبے میں سرمایہ کاری بڑھانے کے لیے حکومت متعدد پالیسی اصلاحات نافذ کر رہی ہے۔ شفاف ای نیلامی نظام کے ساتھ نجی اور جونیئر مائننگ کمپنیوں کو بھی نئے مواقع فراہم کیے جا رہے ہیں۔ انہوں نے برطانوی کمپنیوں، سرمایہ کاروں اور تکنیکی اداروں کو بھارت کے کریٹیکل منرلز سیکٹر میں سرمایہ کاری کی دعوت دیتے ہوئے کہا کہ کانکنی اور منرل پروسیسنگ میں برطانیہ کی مہارت بھارت کے الیکٹرک گاڑیوں، دفاع، ایرو اسپیس اور سیمی کنڈکٹر جیسے اسٹریٹجک شعبوں کی ترقی کو مزید تیز کر سکتی ہے۔
بھارت ایکسپریس اردو۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…