Asian Games 2026: ایشین گیمز میں بھارت کا ڈنکا، خواتین ٹیم نے جیتا گولڈ میڈل، وزیر داخلہ امت شاہ نے دی مبارکباد

نئی دہلی: ایشین گیمز 2026 کے خواتین کرکٹ فائنل میں بھارتی ٹیم نے سری لنکا کو 147 رنز کے بڑے فرق سے شکست دے کر گولڈ میڈل اپنے نام کرلیا۔ اس جیت کے ساتھ ہی ہرمن پریت کور کی قیادت والی بھارتی ٹیم نے 2023 کے ہانگژو ایشین گیمز کے بعد مسلسل دوسری مرتبہ اس خطاب پر قبضہ جما لیا۔ مرکزی وزیر داخلہ امت شاہ نے بھی ٹیم کو تاریخی کامیابی پر مبارکباد دی۔

اسمرتی مندھانا اور شافالی ورما کی ریکارڈ شراکت

جاپان کے نِشِن میں کھیلے گئے اس ختامی مقابلے میں ٹاس جیت کر پہلے بلے بازی کرنے اتری بھارتی ٹیم نے شروع سے ہی جارحانہ انداز اختیار کیا۔ اوپنر اسمرتی مندھانا نے صرف 45 گیندوں پر 79 رنز کی دھماکہ خیز اننگز کھیلی، جبکہ شافالی ورما نے 29 گیندوں پر 48 رنز بنائے۔ دونوں کے درمیان پہلی وکٹ کے لیے 99 رنز کی ریکارڈ شراکت ہوئی۔ اس کے بعد رِچا گھوش نے ڈیتھ اوورز میں طوفانی بلے بازی کرتے ہوئے صرف 22 گیندوں پر ناٹ آؤٹ 49 رنز کی اننگز کھیل ڈالی۔ ان شاندار اننگز کی بدولت بھارت نے 20 اوورز میں 3 وکٹ کے نقصان پر 216 رنز کا بڑا اسکور کھڑا کیا۔ یہ ایشین گیمز کی تاریخ میں خواتین ٹی20 کا اب تک کا سب سے بڑا اسکور بتایا گیا ہے۔

بھارتی گیندبازوں کے سامنے سری لنکا بے بس

217 رنز کے ہدف کا تعاقب کرنے اتری سری لنکائی ٹیم بھارتی گیندبازی کے سامنے پوری طرح بکھر گئی۔ پوری ٹیم 15.4 اوورز میں صرف 69 رنز پر آل آؤٹ ہوگئی۔ سری لنکا کی جانب سے کپتان چماری اتھاپتھو نے 29 رنز بنائے، لیکن ان کے علاوہ کوئی بھی بلے باز دَہائی کا ہندسہ عبور نہ کرسکا۔ بھارت کی جانب سے دیپتی شرما نے شاندار گیندبازی کرتے ہوئے صرف 6 رنز دے کر 3 اہم وکٹیں حاصل کیں۔ وہیں شافالی ورما، سری چرانی اور شریَانکا پاٹل نے بھی دو، دو وکٹیں اپنے نام کیں۔

Indian women cricketers finish with Gold🥇

Applause to the Indian Women’s Cricket Team for bringing home the first gold medal at the #AsianGames2026 with a bedazzling display of unmatched cricketing prowess and untameable dominance on the pitch.
May you always command victory. https://t.co/n3D5yAMaSq

— Amit Shah (@AmitShah) September 22, 2026

امت شاہ نے ٹیم کو دی مبارکباد

بھارتی خواتین ٹیم کی اس تاریخی اور ریکارڈ ساز جیت پر مرکزی وزیر داخلہ امت شاہ نے بھی ٹیم کو مبارکباد دی۔ انہوں نے سوشل میڈیا پر اپنے پیغام میں کہا کہ بھارتی خواتین کرکٹروں نے گولڈ میڈل حاصل کرکے ملک کا وقار بڑھایا ہے۔ امت شاہ نے کہا کہ ایشین گیمز 2026 میں بھارت کے لیے پہلا گولڈ میڈل لانے والی بھارتی خواتین کرکٹ ٹیم کو مبارکباد۔ ان کے مطابق ٹیم نے میدان پر بے مثال کرکٹنگ صلاحیت اور ناقابلِ شکست غلبے کا مظاہرہ کرتے ہوئے ملک کا سر فخر سے بلند کیا ہے۔

اسمرتی مندھانا نے بھی رقم کیا نیا ریکارڈ

اس تاریخی جیت کے ساتھ اسمرتی مندھانا نے بھی ایک بڑا ریکارڈ اپنے نام کیا۔ وہ اس ٹورنامنٹ کی سب سے زیادہ رنز بنانے والی کھلاڑی بننے کے ساتھ ساتھ بین الاقوامی کرکٹ میں 11 ہزار رنز مکمل کرنے والی پہلی خاتون کرکٹر بھی بن گئی ہیں۔ بھارتی خواتین کرکٹ ٹیم کی اس شاندار کارکردگی نے ایشین گیمز 2026 میں ملک کے لیے گولڈ میڈل کا کھاتہ بھی کھول دیا ہے۔

بھارت ایکسپریس اردو۔