India passes the gavel to Brazil: ہندوستان نے جی20 کی صدارت برازیل کو سونپ دی

ہندوستان کی زیر صدارت جی 20 سربراہی اجلاس کامیابی کے ساتھ اختتام پذیر ہوا۔ سربراہی اجلاس کے پہلے ہی دن کانفرنس میں منشور جاری کرنے پر 100 فیصد اتفاق رائے ہو گیا۔ پی ایم مودی نے اتوار کو آخری اجلاس سے خطاب کیا اور پھر آخر میں جی 20 کی صدارت برازیل کے صدر لولا ڈی سلوا کو سونپ دی۔ آخری اجلاس سے خطاب کرتے ہوئے وزیر اعظم مودی نے ‘ایک مستقبل’ پر بات کی۔ وزیراعظم نے کہا کہ یہاں ہم ایک ایسے مستقبل کی بات کر رہے ہیں جس میں ہم گلوبل ولیج سے آگے بڑھیں اور گلوبل فیملی کو حقیقت بنتے دیکھیں۔ ایسا مستقبل جس میں نہ صرف ملکوں کے مفادات جڑے ہوں بلکہ دل بھی جڑے ہوں۔ ڈیجیٹل انڈیا کا ذکر کرتے ہوئے، جی 20 ممالک پر زور دیتے ہوئے، پی ایم مودی نے کہا، ‘میں نے آپ کی توجہ جی ڈی پی سنٹرک اپروچ کے بجائے ہیومن سینٹرک ویژن کی طرف مبذول کرائی ہے۔ آج ہندوستان جیسے بہت سے ممالک کے پاس اتنا کچھ ہے جسے ہم پوری دنیا کے ساتھ بانٹ رہے ہیں۔ ہندوستان نے انسانیت کے مفاد میں چندریان مشن کا ڈیٹا سب کے ساتھ شیئر کرنے کی بات کی ہے۔ یہ ہیومن سینٹرک گروتھ کے لیے ہماری وابستگی کا ثبوت بھی ہے۔

ہندوستان کے ڈیجیٹل انقلاب کا ذکر کرتے ہوئے وزیر اعظم مودی نے کہا کہ ہندوستان نے جامع ترقی اور آخری میل کی ترسیل کے لیے ٹیکنالوجی کا استعمال کیا ہے۔ انہوں نے کہا کہ ہمارے سب سے چھوٹے گاؤں میں سب سے چھوٹا تاجر بھی ڈیجیٹل ادائیگی کر رہا ہے اور مجھے خوشی ہے کہ ہندوستان کی سربراہی میں ڈیجیٹل پبلک انفراسٹرکچر کے لیے ایک مضبوط فریم ورک پر اتفاق کیا گیا ہے۔ آج ہم نئی نسل کی ٹیکنالوجی میں ناقابل تصور پیمانے اور رفتار کا مشاہدہ کر رہے ہیں۔ مصنوعی ذہانت کی مثال ہمارے سامنے ہے۔ 2019 میں،جی 20 نے مصنوعی ذہانت پرایک  اصول” اپنایا اور آج ہمیں ایک قدم آگے بڑھنے کی ضرورت ہے۔

میزبانی کے اختتامی خطاب کے بعد پی ایم مودی نے جی21 کی آئندہ سال کی میزبانی برازیل کے سپرد کردی ، اس دوران انہوں نے سلوا کو روایتی گیل (ایک قسم کا ہتھوڑا) دے دیا۔ اس کے بعد پی ایم مودی نے ٹویٹر پر یہ لکھا، “ہندوستان نے برازیل کو چیئرمین شپ سونپ دی ہے۔ ہمیں اٹل اعتماد ہے کہ وہ لگن، وژن کے ساتھ قیادت کریں گے اور عالمی اتحاد کے ساتھ ساتھ خوشحالی کو بھی آگے بڑھائیں گے۔ ہندوستان نے آئندہ جی20 کی چیئرمین شپ برازیل کو سونپی ہے۔ اپنے دور صدارت میں برازیل کو ہر ممکن تعاون کا یقین بھی دلایاہے۔

برازیلی صدر جذباتی ہو گئے

اس دوران برازیل کے صدر لوئیز اناسیو نے کہا کہ جب ہم مہاتما گاندھی کو خراج عقیدت پیش کرنے گئے تو میں بہت جذباتی ہو گیا، میری سیاسی زندگی میں مہاتما گاندھی کی بہت اہمیت ہے کیونکہ میں نے کئی دہائیوں سے عدم تشدد کی پیروی کی ہے۔ اسی لیے جب میں نے مہاتما گاندھی کو خراج عقیدت پیش کیا تو میں جذباتی ہو گیا۔لولا دا سلوا نے اپنے خطاب میں ابھرتی ہوئی معیشتوں کو دلچسپی کے مسائل پر آواز دینے پر ہندوستان کی تعریف کی۔ برازیل رواں سال یکم دسمبر کو باضابطہ طور پر جی ٹوئنٹی گروپ کی صدارت سنبھالے گا۔ برازیل کے صدر نے کہا کہ غریب ممالک کے قرضوں کے مسئلے کو حل کرنا ہو گا۔ دنیا کو بھوک کے خاتمے کے لیے کوششیں بڑھانا ہوں گی۔لولا دا سلوا نے سماجی شمولیت، بھوک کے خلاف جنگ، توانائی کی منتقلی اور پائیدار ترقی کوجی20کی ترجیحات کے طور پر درج کیا۔ انہوں نے کہا کہ اقوام متحدہ کی سلامتی کونسل کو اپنی سیاسی طاقت کو برقرار رکھنے کے لیے نئے ترقی پذیر ممالک کو مستقل اور غیر مستقل رکن کی ضرورت ہے۔ ہم عالمی بینک اور بین الاقوامی مالیاتی فنڈمیں ترقی پذیر ممالک کی زیادہ نمائندگی چاہتے ہیں۔