قومی

India-EU Free Trade Agreement: ’وکست بھارت‘ کے وژن کو نئی رفتار، وزیر اعظم مودی نے بھارت-یورپی یونین تجارتی معاہدے کو تاریخی قرار دیا، روزگار کے نئے دروازے کھلنے کی امید

نئی دہلی: وزیر اعظم نریندر مودی نے بھارت اور یورپی یونین کے درمیان طے پانے والے آزاد تجارتی معاہدے (فری ٹریڈ ایگریمنٹ) کو تاریخی اور تبدیلی لانے والا قدم قرار دیتے ہوئے کہا ہے کہ یہ معاہدہ ملک کی معیشت کو نئی سمت دے گا، منڈیوں کا دائرہ وسیع کرے گا اور لاکھوں نوجوانوں کے لیے روزگار کے نئے مواقع پیدا کرے گا۔ وزیر اعظم کے مطابق یہ معاہدہ ’وکست بھارت‘ کے وژن کو عملی شکل دینے میں اہم کردار ادا کرے گا۔ جمعہ کے روز وزیر اعظم مودی نے بھارت-یورپی یونین ایف ٹی اے پر ردعمل ظاہر کرتے ہوئے کہا کہ یہ معاہدہ نہ صرف اقتصادی شراکت داری کو مضبوط کرے گا بلکہ کسانوں، ایم ایس ایم ای شعبے، صنعت اور خدمات کے شعبے کو یورپی منڈیوں سے براہ راست جوڑے گا۔ ان کا کہنا تھا کہ اس معاہدے سے بھارت کی برآمدات کو فروغ ملے گا اور سرمایہ کاری کے نئے راستے کھلیں گے۔

وزیر اعظم کے دفتر کی جانب سے سوشل میڈیا پلیٹ فارم ایکس پر جاری ایک پوسٹ میں کہا گیا کہ مرکزی وزیر تجارت و صنعت پیوش گوئل نے بھارت-یورپی یونین تجارتی معاہدے پر ایک تفصیلی مضمون تحریر کیا ہے، جس میں اس معاہدے کو مکمل طور پر ترقی یافتہ بھارت کے وژن سے ہم آہنگ بتایا گیا ہے۔ پوسٹ میں کہا گیا کہ یہ معاہدہ بھارت کی طویل مدتی اقتصادی حکمت عملی کا اہم حصہ ہے۔

مرکزی وزیر پیوش گوئل نے کہا کہ بھارت-یورپی یونین آزاد تجارتی معاہدے کا کامیاب اختتام واقعی ایک تاریخی کامیابی ہے۔ انہوں نے ماضی کا حوالہ دیتے ہوئے کہا کہ یو پی اے دور میں کیے گئے کئی تجارتی معاہدے عجلت میں طے ہوئے، جن میں بھارت کو فائدے کے مقابلے میں زیادہ قربانیاں دینی پڑیں۔ اس کے برعکس موجودہ معاہدہ بھارت کے بنیادی مفادات کو مدنظر رکھتے ہوئے طے کیا گیا ہے۔ پیوش گوئل کے مطابق یورپی یونین کے ساتھ یہ معاہدہ معیشت کے کلیدی شعبوں کو مضبوط بنائے گا، خوشحالی میں اضافہ کرے گا اور ملک میں نئی صنعتوں کو فروغ دے گا۔ انہوں نے کہا کہ وزیر اعظم مودی کی فیصلہ کن قیادت اور دوراندیش سوچ کے باعث یہ ممکن ہو سکا ہے کہ بھارت اپنی شرائط پر عالمی معاہدے کرے۔

انہوں نے کانگریس کی جانب سے کی گئی تنقید کا جواب دیتے ہوئے کہا کہ یہ معاہدہ یکطرفہ نہیں بلکہ دو طرفہ فائدے پر مبنی ہے، جو بھارت کی اقتصادی ترقی کو رفتار دے گا اور کاروبار کے ساتھ ساتھ عام شہریوں کے لیے بھی وسیع مواقع پیدا کرے گا۔ وزیر اعظم مودی نے اس موقع پر کہا کہ بھارت-یورپی یونین تجارتی معاہدہ اقتصادی تعلقات کو مزید گہرا کرے گا، عوام کے لیے نئے مواقع پیدا کرے گا اور بھارت و یورپ کی شراکت داری کو ایک مضبوط بنیاد فراہم کرے گا۔ ان کے مطابق یہ معاہدہ بھارت کی ایک ارب چالیس کروڑ آبادی کے لیے طویل مدتی فوائد لے کر آئے گا اور عالمی سطح پر بھارت کی اقتصادی حیثیت کو مزید مستحکم کرے گا۔

بھارت ایکسپریس اردو۔

Sibghatullah

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

8 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

9 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

9 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

9 hours ago